पाेखरा । स्वास्थ्य तथा जनसंख्या मन्त्रालयले कोरोना भाइरस संक्रमण बढ्न सक्ने भन्दै सभा, जुलुस र भीडभाड नगर्न आग्रह गरेको छ।

मन्त्रालयले देशभर सभा, जुलुस, र्‍याली, भेला, जमघट, गोष्ठी, सेमिनार, बैठक र भीडभाड हुने कार्य नगर्न आग्रह गरेको हो।

मन्त्रालयका प्रवक्ता डा। जागेश्वर गौतमले आइतबार जारी गरेको विज्ञप्तिमा भौतिक दूरी कायम गर्न, मास्कको अनिवार्य प्रयोग गर्न, साबुनपानीले राम्ररी हात धुन र स्यानिटाइजरको प्रयोग लगायतका मापदण्ड पालना गर्न अनुरोध गरिएको छ।

भारतबाट नेपालमा कोरोना भाइरस संक्रमण हुन सक्ने भन्दै मन्त्रालयले सजगता अपनाउन आग्रह गरेको हो।

भारतमा पछिल्लो २४ घण्टामा झन्डै ४४ हजारमा कोरोना संक्रमण भएको छ। दैनिक संक्रमणमा यो संख्या जनवरीयताकै सबैभन्दा बढी हो। यस्तै भारतमा पछिल्लो २४ घण्टामा कोरोना संक्रमणबाट १९७ जनाको मृत्यु भएको छ।

भारतमा सक्रिय संक्रमितको संख्या तीन लाख रहेको छ। अहिलेसम्म भारतका कोरोना संक्रमितको कुल संख्या एक करोड ६० लाख रहेको छ भने मृत्यु हुनेको संख्या कबिर एक लाख ६० हजार पुगेको भारतीय सञ्चारमाध्यमले जनाएका छन्। भारतको महाराष्ट्र, नागपुरलगायतका राज्यमा लकडाउन गरिएको छ।