पोखरा । ‘माया गर्न आँखकै सहारा चाहिने, घृणा गर्न पनि आँखाकै भाका, नयनले अनेकन भाव दर्शाउँछ’ एक कार्यक्रमका सञ्चालक उपेन्द्र पौडेलले सुरुआतमा भनेको यो भनाइले उपस्थित सबै सोच्न बाध्य भए । ‘आँखाले के के गर्न भ्याउँछ है’ भन्दै मञ्च बिमुख अतिथिहरु कानेखुसी गर्दै थिए ।
हेर्ने आँखामा, अरुले हेर्नै नमिल्ने समस्या आउँछन् । रुघाखोकी ज्वरो जस्तो पनि होइन आँखाको रोग । आँखाको समस्यालाई समयमै नचिन्ने हो भने संसार देख्न गाह्रो पर्छ । संसार सबैले हेर्न पाउनुपर्छ भनेर नेपाल नेत्र ज्योति संघले पोखरामा सन् १९९३ मा हिमालय आँखा हस्पिटल स्थापना गरियो । नाफारहित संस्थाले स्थापना गरेको हस्पिटल दाता कै भरमा चलिआएको छ । त्यो बेला गण्डकी धौगागिरि र कर्णाली प्रदेशका जनताका लागि भनेर आइ केयर फाउन्डेसन, नेदल्यान्डको सहयोगमा हस्पिटल स्थापना गरिएको अस्पतालका अध्यक्ष कृष्ण गुरुङ सम्झन्छन् ।
त्यपछि पनि धेरैको सहयोग र आन्तरिक आम्दानीबाट हस्पिटल चल्दै आएको छ । हस्पिटलमा सामान्यदेखि अप्रेसनसम्मका सेवा उपलब्ध छन् । विभिन्न जिल्लाबाट दैनिक ५ सयको हाराहारीमा आँखा जाँच गर्न पुग्छन् । तीमध्ये सय जना जतिको अप्रेसन नै गर्नुपर्ने समस्या देखिने गरेको हस्पिटलका कामु चिफ मेडिकल डाइरेक्टर डा. इलिया श्रेष्ठले बताइन् ।
अझ दैनिक २५ जना जतिको त आँखाको रेटिनाको सिटी स्क्यान नै गर्नुपर्ने हुन्छ । त्यसका लागि ओसिटी एन्जिओग्राफी मेसिन आवश्यक पर्छ । हस्पिटलमा पहिलादेखि नै एउटा मेसिन थियो । त्यसले काम चलिरहेको थियो तर लकडाउनको समयमै बिग्रियो । अनि सिटी स्क्यान गर्नुपर्ने भएपछि बाहिर हस्पिटलमा रिफर गर्नुपर्ने बाध्यता रहेको निर्देशक श्रेष्ठले बताइन् ।
हस्पिटलको समस्या रोटरी क्लब अफ पोखरा मिडटाउनले थाहा पायो । तत्काल रोटरी क्लब अफ पोखरा मिडटाउनले रोटरी इन्टरनेसनल डिस्ट्रिक ३२९२, नेपाल र आकिता नर्थ रोटरी इन्टरनेसनल डिस्ट्रिक २५४० को सहयोगमा मंगलबार हिमालय आँखा हस्पिटलमा ओसिटी एन्जिओग्राफी मेसिन हस्तान्तरण ग¥यो । मेसिनको मुल्य ७८ हजार अमेरिकी डलर रहेको रोटरी क्लब अफ पोखरा मिडटाउनका अध्यक्ष जयमोहन भट्टराइले जानकारी दिए । मेसिन हस्तान्तरण गर्न रोटरी इन्टरनेसनल डिस्ट्रिक ३२९२, नेपालका अध्यक्ष किरणलाल श्रेष्ठको ठूलो योगदान रहेको उनको भनाइ छ ।
मेसिन प्राप्त भइसकेपछि अब आँखाको सिटी स्क्यान गर्नका लागि बिरामीलाई बाहिर रिफर गर्नुनपर्ने श्रेष्ठले बताइन् । ‘यो मेसिनबाट सुगर, प्रेसर, आँखामा पानी जमेको, रगत जमेको, पर्दामा प्वाल परेको, जलबिन्दुका कारण नशा देखिएको सबै देखाउँछ,’ उनले भनिन्, ‘यो काम गर्दा हामीले २ हजार लिन्छौं बाहिर अलि महँगो छ, अब सबैलाई सहज हुन्छ ।’ मेसिनमा चेक गरेको ५ देखि १५ मिनेटमा रिपोर्ट आउने भएका कारण पनि यो महत्वपूर्ण मेसिन भएको उनले बताइन् ।
मंगलबार नै रोटरी क्लब अफ पोखरा मिडटाउन र हिमालय आँखा हस्पिटलका बिच समझदारी पत्रमा हस्ताक्षर गरिएको छ । समझदारी पत्रमा रोटरीले सिफारिस गरेकालाई ५० प्रतिशत छुट, बिग्रेमा अर्को खरिदका लागि निश्चित रकम छुट्याउनुपर्ने बुँदा रहेका छन् ।
मेसिन हस्तान्तरण कार्यक्रममा रोटरी इन्टरनेसनल प्रेसिडेन्ट इलेक्ट शेखर मेहताले पाएको मेसिनको सदुपयोग गर्न सुझाव दिए । नेपाल जस्तो देशमा कम्तीमा २ सयको बीचमा एउटा आँखा हस्पिटल बनाउनसके राम्रो हुने उनले बताए । आँखा जाँच केन्द्र भने ठाँउ ठाँउमा बनाउनु आवश्यक रहेको उनको भनाइ थियो । १० वर्षको अन्तरमा २० वटा जति आँखा हस्पिटल बनाउन सकेमा दृष्टिविहीनरहित बनाउन सकिने उनले बताए ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१