म्याग्दी। बेनी अस्पतालमा अक्सिजन उत्पादन केन्द्र स्थापना गरिएको छ । केन्द्र स्थापना भएपछि अस्पतालको सबै ३० शैश्यामा पाइपबाट अक्सिजन आपूर्ति गराउन थालिएको छ । उत्पादन केन्द्रको गण्डकी प्रदेश सामाजिक विकास मन्त्री नरदेवी पुनले उद्घाटन गरिन् ।
अस्पताल व्यवस्थापन समिति अध्यक्ष बेलबहादुर कटुवालका अनुसार प्रदेश सरकार, संघीय सरकारको स्थानीय पूर्वाधार साझेदारी कार्यक्रम, रघुगंगा गाउँपालिका र बेनी अस्पतालको आन्तरिक स्रोतबाट १ करोड रुपैयाँको लागतमा केन्द्र स्थापना गरिएको हो । केन्द्रमा उत्पादित अक्सिजन सिधैँ बिरामीको बेडसम्म पुग्ने व्यवस्था मिलाइएको उनले बताए ।
आकस्मिक, मिर्गौला डायलासिस, सघन उपचारकक्ष (आइसियु) र बहिरंग विभागका शैय्यामा अक्सिजन आपूर्ति गराउन पाइपलाइन जडान भएको छ ।
‘१ करोड रुपैयाँको लागतमा केन्द्र स्थापना भएको हो
पाइपबाट शय्यामै अक्सिजन आपूर्ति हुन थालेपछि श्वासप्रश्वास, आइसियुमा राख्नुपर्ने, दम लगायत शल्यक्रिया गर्नुपर्ने बिरामीको उपचारमा सहज भएको अस्पतालका प्रमुख डा जितेन्द्र कँडेलले बताए । अस्पतालमै अक्सिजन उत्पादन केन्द्र स्थापना भएपछि अक्सिजन दिएर राख्नुपर्ने बिरामीका लागि पनि सिलिन्डर भर्न पोखरा जाने समय र खर्चको बचत भएको छ ।
प्रदेश सरकारले चालू आवमा उपलब्ध १० लाख रुपैयाँ बजेटले प्लान्टबाट अस्पतालको शैय्यामै अक्सिजन पु¥याउन पाइपलाइन जडान गरिएको हो । प्लान्टले १ दिनमा १५ वटासम्म सिलिन्डरमा अक्सिजन भर्न सक्ने क्षमता रहेको प्रमुख डा कँडेलले जानकारी दिए । हाल १० वटासम्म सिलिन्डर भर्ने डा कँडेलले बताए । अस्पतालमा अहिले दैनिक २० देखि २५ श्वासप्रश्वास सम्बन्धी समस्या भएका बिरामी आउँछन् । हावालाई प्रशोधन गरेर अक्सिजनलाई सिलिन्डरमा भर्न मिल्ने उपकरण जडान गरिएको छ ।
एक पटकमा ३ सिलिन्डरमा अक्सिजन भर्न सकिन्छ । अक्सिजन उत्पादन केन्द्रको पूर्वाधार निर्माण र औजार खरिद तथा जडान गर्न ६३ लाख खर्च भएको अस्पताल व्यवस्थापन समितिका अध्यक्ष कटुवालले बताए । उनका अनुसार सामाजिक विकास मन्त्रालयले गत आवमा ७५ लाख रुपैयाँ बजेट पठाएकामा प्रतिस्पर्धामार्फत ४३ लाख रुपैयाँमा अक्सिजन उत्पादन गर्ने उपकरण खरिद गरिएको हो ।
सांसद भूपेन्द्र थापाको सिफारिसमा स्थानीय पूर्वाधार साझेदारी कार्यक्रम मार्फत रघुगंगा गाउँपालिकाले दिएको १४ लाख र अस्पतालको १ लाख ४० हजारमा सिलिन्डरमा अक्सिजन भर्ने बुस्टर मेसिन किनेर प्लान्ट सञ्चालनमा ल्याइएको अध्यक्ष कटुवालले जानकारी दिए ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१