पोखरा । चौथो रञ्जित गुरुङ स्मृति तथा दसौं बगर भाइखलक भेट्रान्स एट ‘ए’ साइड अन्तर्राष्ट्रिय फुटबल प्रतियोगिता अन्तर्गत बुधबार ७ खेल भएका छन् ।
पुरानो टुँडिखेलमा तेस्रो दिनको पहिलो प्रि–क्वाटरफाइनल खेलमा हिमालय क्लब भेट्रान्स बाटुलेचौरलाई टी बर्गर ललितपुरले ३–० गोल अन्तरले पराजित ग¥यो । टी बर्गरको जीतमा नरेन्द्र लिम्बु, भेषराज लिम्बु र भगवान थापाले समान १÷१ गोल गरे । उक्त खेलमा म्यान अफ दी म्याच भेषराज लिम्बु भए ।
दोस्रो खेलमा हेटौडा भेट्रान्स निलोले एबिसी भेट्रान्स पोखरालाई २–१ गोलले हराउँदै विजयी भयो । हेटौंडाका लागि दुवै गोल म्यान अफ दी म्याच निमा लामाले गरे । एबिसीका लागि विजय गुरुङ सान्त्वना गोल फर्काए ।
ललितपुर फुटबल एकेडेमी भेट्रान्सले १–० गोल अन्तरमा हेटौंडा भेट्रान्स रातोलाई पाखा लगायो । ललिपुरका शुक्र तामाङले गोल गरेका हुन् । उक्त खेलमा हेटौडाका ज्ञानु क्षेत्री म्यान अफ दी म्यान चुनिए ।
बुधबार भएको चौथो खेलमा भनीमण्डली ललितपुर भेट्रान्सले ३–१ गोल अन्तरले विष्णुपादुका हेम्जालाई हरायो । भनीमण्डलीका लागि म्यान अफ दी म्याच तेजबहादुर धलामी, रुपेश केसी र पाण्डव खातीले १÷१ गोलको योगदान दिए । विष्णुपादुकाका लागि महेन्द्रसिंह थापाले गोल गरे ।
खुमलटार काठमाडौं भेट्रान्स र नवलपरासी भेट्रान्सबीचको खेलमा २–१ गोलले नवलपरासी विजयी भयो । नवलपरासीको तर्फबाट दीपकबहादुर थापा र हीराबहादुर गुरुङले १÷१ गोल गरे भने खुमलटारका लालबहादुर लिम्बुले १ गोल फर्काए । खेलमा खुमलटारका सुमन केसी म्यान अफ दी म्यान घोषित भए ।
बुधबार भएको छैटौं खेलमा नाइटकिङ सानो गौरचन काटमाडौं र पोखरा भेट्रान्सबीच भएको खेल निर्धारित समयमा १–१ गोलको बराबरीमा सकिएपछि टाइब्रेकरमा ५–४ गोलअन्तरले पोखरा विजयी भयो । निर्धारित समयमा काठमाडौंका लागि शिशिरविक्रम हमाल र पोखराका लागि किसान गौचनले गोल गरेका थिए । उक्त खेलमा उत्कृष्ट प्रदर्शन गरेका पोखराका राजु गुरुङ म्यान अफ दी म्याच भए ।
बुधबार भएको अन्तिम खेलमा मियासान मिया काठमाडौंले पशुपति भेट्रान्स हेटौंडालाई ३–० को फराकिलो गोल अन्तरले हरायो । मियासान मियाको जीतमा म्यान अफ दी म्याच चुनिएका सुन्दर गुरुङले २ तथा नविन पाण्डेले १ गोल गरे ।
बुधबार प्रि–क्वाटरफाइनलका ८ खेल हुने भनिए पनि आयोजक बगर भाइखलक र मनाङ मस्र्याङ्दी भेट्रान्सबीचको खेल वर्षाका कारण रोकिएको प्रतियोगिताका रेफ्री प्राविधिक संयोजक खगेन्द्र गुरुङले बताए । पानीका कारण रोकिएको खेल बिहीबार बिहान हुने उनले जानकारी दिए । बिहीबार प्रि–क्वाटरफाइनलको १ र क्वाटरफाइनलका ४ खेल हुनेछन् । प्रतियोगितामा २८ टिमले भाग लिएका छन् । प्रतियोगिताको फाइनल २९ गते हुनेछ ।
Related News
सम्बन्धित समाचार
वर्ष खेलाडीको चर्चा
पराजुलीलाई उत्कृष्ट खेलकुद पत्रकारिता अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१