टाइगर कपबाट १९ लाख बचत

Avatar आदर्श समाज सम्वाददाता
फागुन १५, २०७७
Tiger Cup Photo

पोखरा ।  टाइगर ग्रुप पोखराको आयोजनामा भएको प्रथम टाइगर कप भलिबल प्रतियोगिताबाट १९ लाख बचत भएको छ ।

पोखरा रंगशालामा माघ २७ देखि फागुन १ गते सम्म भएको राष्ट्रिय महिला तथा पुरुषबाट १९ लाख ३० हजार ४१ रुपैयाँ बचत भएको शनिवार आयव्यय सार्वजानिक गर्दै आयोजक टाइगर ग्रुपका अध्यक्ष नारायण शर्माले जानकारी दिए । प्रतियोगितमा ५४ लाख, ४१ हजार ८ सय ३५ रुपैयाँ आम्दानी भएको छ । भने ३५ लाख ११ हजार ७ सय ९४ रुपैयाँ खर्च भएको छ ।

दर्शकको उल्लेख्य सहभागिता रहेको प्रतियोगितामा दर्शक टिकटबाट मात्रै १० लाख ५५ हजार आम्दानी भएको थियो । प्रतियोगिताका लागि गण्डकी प्रदेश सरकारले १ लाख ५० हजार, राष्ट्रिय खेलकुद परिषद्ले १ लाख, पोखरा महानगरपालिकाले १ लाख, अन्नपुर्ण गाउँपालिकाले १ लाख सहयोग गरेको थियो ।
ग्रुपले बचत भएको रकमबाट गण्डकी प्रदेशमा भलिबल खेलाडी उत्पादनका लागि आवश्यक सहयोग गर्ने भएको छ । ग्रुपले स्थापनाकाल देखि नै विभिन्न सामाजिक कार्य गर्दै आइरहेको हुनाले बचत रकमल भलिबल खेल र खेलाडीको विकासका लागि आवश्यक सहयोग गर्ने अध्यक्ष शर्माले जानकारी दिए । दर्शकको इच्छालाई प्राथमिकतामा राख्दै आगामी वर्षपनि प्रतियोगितालाई निरन्तरता दिने उनको भनाइ छ ।

माघ २७ गतेदेखि फागुन १ गते सम्म भएको खेलको पुरुष तर्फ गण्डकी प्रदेश र महिला तर्फ नेपाल पुलिसले उपाधि जितेको थियो । विजेता महिला तथा पुरुष टोलीले नगद १ लाख ५० हजार रुपैयाँ प्राप्त गरेका थिए । यस्तै उपविजेता पुरुषतर्फ त्रिभुवन आर्मी र महिला तर्फ एपिएफले समान ७५ हजार रुपैयाँ प्राप्त गरेको थियो ।

पहिलो प्रतियोगितामै दर्शक र घरेलु टोलीको ऐतिहासिक जितले भलिबल खेलप्रति गण्डकी प्रदेश सरकारले समेत चासो दिन आवश्यक रहेको अध्यक्ष शर्माको भनाइ छ । दर्शकको उपस्थितिले भलिबल प्यारापिट साघुरो भएको महसुस आयोजकलाई गराएकाले सम्बन्धित पक्षले यसमा ध्यान दिनुपर्ने उनको धारणा छ ।
सोही कार्याक्रममा टाइगर ग्रुपले वागलुङ बडिगाढ गाउँपालिकास्थित एक अशक्त परिवारलाई ५० हजार सहयोग गरेको छ । उक्त गाउँ पालिकाका स्व.टोपबहादुर विकको अशक्त परिवारलाई पोखरा छोरेपाटनस्थित २०४६ को एसएललसी व्याच समूह मार्फत रकम प्रदान गरेको हो । उक्त समूहका अध्यक्ष समेत रहेका पत्रकार राजु क्षेत्री मार्फत स्व. विकको परिवारलाई रकम हस्तान्तरण गरिने भएको छ ।

Related News

सम्बन्धित समाचार

    • आरोही महिला फोटो पत्रकारलाई सम्मान

      Avatar आदर्श समाज सम्वाददाता वैशाख १०, २०७८
      पोखरा । फोटो पत्रकार तथा हिमाल आरोही पूर्णिमा श्रेष्ठलाई पोखराका फोटो पत्रकारले सम्मान गरेका छन् । अन्नपूर्ण प्रथम आरोहण गरेर…
    • कोरोना महामारीः प्रदेश तात्यो, महानगर सुस्त

      धनबहादुर गुरुङ धनबहादुर गुरुङ वैशाख १०, २०७८
      पोखरा । पछिल्लो समय कोरोना संक्रमणको दोस्रो भेरियन्ट दर दिनानुदिन बढ्दै छ । पोखरामा मात्र पनि दैनिक सयको हाराहारीमा संक्रमित…
    • पोखराका सम्पदा : हचुवामै ठेकेदारकाे जिम्मा

      prakash dhakal प्रकाश ढकाल वैशाख १०, २०७८
      पोखरा । पोखरा महानगरपालिकाले नगभित्रका महत्वपूर्ण सम्पदालाई ‘सार्वजनिक निजी साझेदारी’ का नाममा लामो समयका लागि ठेक्का लगाउने तयारी गरेको छ…
    • को बन्ला वर्ष खेलाडी महिला ?

      Bijay Nepal विजय नेपाल वैशाख ९, २०७८
      पोखरा । नेपाल खेलकुद पत्रकार मञ्च गण्डकीको पाँचौ पोखरा स्पार्टस् अवार्ड–२०७६÷७७ को वर्ष उत्कृष्ट खेलाडी (महिला) विधामा ३ खेलाडी मनोयनमा परेका…
    • भीमाद ८ का वडाध्यक्ष बुद्धिमान श्रेष्ठले कुटे सेवाग्राही

      Avatar आदर्श समाज सम्वाददाता वैशाख ९, २०७८
      दमौली। भीमाद नगरपालिका ८ का वडाध्यक्ष बुद्धिमान श्रेष्ठले सेवाग्राहीलाई कुटपिट गरेका छन् । हकवालाको सिफारिस लिन पुगेका सोही वडाका चिरञ्जीवी…

    hero news full width

    sanil ads

    wordlink ads