म्याग्दी । म्याग्दीको मालिका गाउँपालिका वडा नम्बर ३ बाट बिरामी बोकेर पोखरातर्फ जाँदै गरेको बलेरो जीप दुर्घटनामा परेको छ ।
बेनी–दरबाङ सडकखण्ड अन्तर्गत बेनी नगरपालिका–४, तातोपानीको फापरखेत पहिरो नजिकै बिहीबार राति करिब १० बजेको समयमा ग १ ज ६७८८ नम्बरको बोलेरो जीप दुर्घटना भएको हो । दुर्घटना हुँदा जिपमा सवार चालक सहित पाँच जना मध्ये एक जनाको मृत्यु भएको छ भने चार जना घाइते भएका छन् । दुर्घटनामा मृत्यु हुनेमा मालिका गाउँपालिका वडा नम्बर ३ का ६२ वर्षीय गोविन्द रोका मगर रहेका छन्।
यसैगरी, घाइते हुनेमा मालिका–३ की ३० वर्षीया रेजुना रोका मगर, मालिका –३ का ३८ वर्षीय खगेन्द्र रोकामगर, सोही मालिका–३ का २९ वर्षीय रविन्द्र रोकामगर र मालिका –१ का चालक अन्दाजी ३२ का नरबहादुर सिउथानी रहेकाे जिल्ला प्रहरी कार्यालय, म्याग्दीका प्रहरी निरीक्षक रविन्द्रकुमार श्रेष्ठले जानकारी दिए । उनका अनुसार, जिप सडकको घुम्तीदेखि करिब ५० मिटर तल खोला किनारमा खसेको थियो । दुर्घटनामा गम्भीर घाइते स्थानीय र प्रहरीले उद्धार गरी उपचारका लागि बेनी अस्पताल ल्याइएको थियो ।
गम्भीर घाइते गोविन्दलाई अस्पतालले मृत घोषणा गरेको हो । घाइते चालकको खुट्टाको गोडामा गहिरो चोट लागेकोले थप उपचारका लागि पोखरा रिफर गरिएकाे छ । अन्यको बेनी अस्पतालमा उपचार भइरहेको प्रहरी निरीक्षक श्रेष्ठले जानकारी दिए ।
Related News
सम्बन्धित समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
मानवअधिकार आयोगसमक्ष द्वन्द्वपीडित समुदायको ज्ञापन
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
मनिपालमा अत्याधुनिक एमआरआई मेसिन
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१