पोखरा, १० फागुन । राष्ट्रिय परिचयपत्र तथा पञ्जीकरण विभागले विवरण संकलनका लागि १०० जना विवरण दर्ता अपरेटर पदका लागि दरखास्त आवेदन खुला गरेको छ ।

१८ वर्ष पुरा भएर ३५ वर्ष ननाघेका इच्छुक नेपाली नागरिकले फाल्गुन ७ गतेदेखि १५ दिनभित्र अनलाइन आवेदन दिन सक्नेछन् ।

प्रवीणता प्रमाणपत्र तह उत्तीर्ण गरी कम्तीमा तीन महिनाको कम्प्युटरसम्बन्धी तालिम प्राप्त गरेका उम्मेद्वारले आवेदन दिने सक्नेछन् । वा सय पूर्णाङ्कको कम्प्युटर विषय राखी उत्तीर्ण गरेको प्रमाणपत्र भए छुट्टै तालिमको प्रमाणपत्र आवश्यक नपर्ने विभागले बताएको छ ।

करार सम्झौतामा उत्तीर्ण अपरेटरले जुनसुकै जिल्लाभित्रका स्थानीय तहका वडाहरुमा पुगेर दैनिक ४० जनाको विवरण संकलन गर्नुपर्नेछ । अपरेटरहरुले दैनिक १२ सय रुपैयाँ पारिश्रमिक पाउनसक्ने छन् ।

विभागको वेबसाइट www.donidcr.gov.np मा गएर निशुल्क आवेदन दिन सकिने छ ।