पोखरा । ११ कक्षाकी छात्रालाई होटलमा लगेर परीक्षा दिलाएको र जबरजस्तीको आरोप लागेका पोखराका १ शिक्षक कारागार चलान भएका छन् ।

जिल्ला अदालत कास्कीका न्यायाधीश श्रीकृष्ण अधिकारीको इजलासले गरेको आदेश अनुसार शिक्षक शिरिषकुमार बस्ताकोटी पुर्पक्षका लागि जेल चलान भएका हुन् । अमर्यादित परीक्षा चलाएको आरोप लागेका अरु ३ शिक्षक धरौटीमा छुटेको अदालतका सूचना अधिकारी नील पनेरुले बताए ।

घटना विवरण अनुसार कक्षा ११ की छात्रालाई ऐच्छिक अंग्रेजी विषयको परीक्षा लिन शिक्षक बस्ताकोटीले मंसिर १२ गते रुपाताल पु¥याएका थिए । जबकि स्कुल पोखरा १ को टुँडिखेलमा छ ।

होटलको कोठामा परीक्षा लिएर बियर र मासु खाएपछि छात्रामाथि जबरजस्तीको प्रयास गरेको आरोप शिक्षक बस्ताकोटीमाथि लागेको छ । अरु शिक्षकको मिलेमतोमा बस्ताकोटीले ती छात्रालाई मोटरसाइकलमा राखी रुपाताल पु¥याएका थिए । घटना भने २ महिनापछि मात्र बाहिरिएको थियो ।

विद्यालय व्यवस्थापन समितिले परीषा बोर्डमा दिएको उजुरीका आधारमा प्रहरीले प्रहरीले शिक्षक बस्ताकोटीलाई पक्राउ गरी मुद्दा चलाएको हो ।
बस्ताकोटीले विद्यालयका शिक्षक तथा सहायक केन्द्राध्यक्ष घनश्याम रेग्मीले ती छात्रालाई जसरी पनि पास गराइदिनुपर्ने भन्दै रेस्टुरेन्टमा लगेर परीक्षा दिने वातावरण बनाउन निर्देशन दिएपछि आफूले त्यसै अनुसार गरेको उनको बयान थियो ।

परीक्षा अमर्यादित बनाएको आरोप लागेका विद्यालयका प्रअ सूर्य तिवारी अदालतले ५० हजार र सहायक केन्द्राध्यक्ष ७५ हजार धरौटीमा छुटेका छन् । अदालते परीक्षामा सहभागी छात्रासँग पनि ५० हजार धरौटी मागेको छ ।