पोखरा । गरिमा विकास बैंक लिमिटेडकोे अध्यक्षमा श्यामप्रसाद बस्याल चयन भएका छन् । शुक्रबार पोखरामा भएको १४ औं वार्षिक साधारण सभाबाट सञ्चालक चयन भएकामा उनीहरुमध्येबाट बस्याल सर्बसम्मत रुपमा अध्यक्ष चयन भए ।

साधारसभाबाट संस्थापक सेयरधनी समूहबाट श्यामप्रसाद बस्याल, डा. आनन्दप्रसाद श्रेष्ठ र दीपेन्द्र श्रेष्ठ तथा सर्वसाधारण शेयरधनी समूहतर्फबाट विमल पाण्डे, सञ्जीव ढकाल र सरस्वती पाठक निर्विरोध निर्वाचित भएका थिए ।

शुक्रबार सम्पन्न साधारणसभाले सेयरधनीहरुलाई १३.५ प्रतिशत बोनश सेयर र कर प्रयोजनका लागि ०.७१ प्रतिशत नगद लाभांश गरी कुल १४.२१ प्रतिशत लाभाशं वितरण गर्ने प्रस्ताव पारित गरेको छ ।

३ अर्ब २३ करोड ८६ लाख ८९ हजार चुक्ता पुंजी रहेको विकास बैंकको १३.५ प्रतिशत बोनस सेयर वितरण पश्चात चुक्ता पुँजी ३ अर्ब ६७ करोड ५९ लाख १२ हजार पुगेको बैंकका प्रमुख कार्यकारी अधिकृत गोविन्द प्रसाद ढकालले जानकारी दिए ।

साधारण सभाको लागि २०७७ माघ १२ गतेदेखि सेयरधनी दर्ता पुस्तिका बन्द रहेकोमा २०७७ माघ ११ गते सम्मसेयरधनीले मात्र साधारणसभाबाट पारित बोनश सेयर प्राप्त गर्नेछन ।