पोखरा । नयाँसडक सुधार समिति, पोखराले प्रहरी बिट निर्माण गरी प्रहरीलाई हस्तान्तरण गरेको छ ।

न्युरोड (नयाँसडक) क्षेत्रमा बढ्दै गएको व्यावसायीकरणसँगै शान्तिसुरक्षाको चुनौती थपिएकोले सोको न्यूनीकरणका लागि न्युरोड सुधार समिति र प्रहरी प्रशासनको सहकार्र्यमा २ बिट निर्माण गरिएको थियो । बिट निर्माणमा ३ लाख रुपैयाँ खर्च भएको समितिका सहसचिव ओम उपाध्यायले जानकारी दिए ।
जिल्ला प्रहरी कार्यालय कास्कीका प्रहरी नायव उपरीक्षक सुवास हमाल र वडा प्रहरी कार्यालय बैदाम इन्चार्ज प्रहरी नायव उपरीक्षक चिनिमाया तामाङले उद्घाटन गरेका थिए ।

नयाँसडक सुधार समिति अध्यक्ष दीपेन्द्र मर्सानीले चाबीसहित प्रहरी बिट हस्तान्तरण गरेका थिए ।

कार्यक्रममा डीएसपी हमालले घामपानीको बेला प्रहरीलाई ड्यूटीमा खटेर सुरक्षा दिन अत्यन्तै समस्या परेको अवस्थामा बिट सहयोगप्रति आभार प्रकट गरे ।
पोखरा ९ का वडाध्यक्ष रामराज लामिछानेले मानवतासँग जोडिएको विषय भएकोले प्रहरी बिट राख्ने निर्णय गरिएको बताए ।

कार्यक्रममा वडा ९ का वडासचिव लोकदर्शन कोइराला, बिट निर्माण समिति संयोजक नीरज गुरुङ, नयाँसडक सुधार समिति अध्यक्ष दीपेन्द्र मर्सानीलाई सम्मान गरियो ।

कार्यक्रम सञ्चालन नयाँसडक सुधार समिति सचिव कृष्ण मर्सानी र प्रहरी नायव निरीक्षक होतबहादुर रोकाहाले गरेका थिए ।