पाल्पाली समाज पोखराको स्थापना दिवसमा रक्तदान

Avatar आदर्श समाज सम्वाददाता
मंसिर १२, २०७७
palpali

पोखरा  । पाल्पाली समाज पोखराको २७ औं स्थापना दिवस अवसरमा बिहीबार रक्तदान कार्यक्रम सम्पन्न भएको छ ।

प्रमुख अतिथि गण्डकी प्रदेश मुख्यमन्त्री तथा मन्त्रिपरिषद् कार्यालयका सचिव इन्दु घिमिरेले पहिलो रक्तदाता सञ्जय आत्रेयलाई ब्लडव्याग हस्तान्तरण गरी कार्यक्रम उद्घाटन गरेकी थिइन् ।

उनले पाल्पाली समाज पोखराको सामाजिक गतिविधिको सह्राहना गर्दै पाल्पाली चेली भएको नाताले गर्व महसुस भएको बताइन् ।

समाजले पोखरा र पाल्पाको पर्यटन प्रवद्र्धनका लागि लेकसाइडमा डिजिटल बोर्ड संचालन गरेकोमा खुसी लागेको उल्लेख गर्दै आगामी दिनमा पनि प्रदेश सरकारको सहकार्यमा काम गर्ने योजना आए आफूले सक्दो सहयोग गर्ने बताइन् ।
कार्यक्रममा लायन्स क्लब अफ पोखरा तालबाराहीका अध्यक्ष समेत रहेका पाल्पाली समाजका पूर्व अध्यक्ष नारायणप्रसाद पौडेल, पाल्पाली बहुउद्देश्यीय सहकारी संस्का अध्यक्ष चिरञ्जीवी श्रेष्ठ, लायन्स क्लबका क्लस्टर ऋषि गिरी लगायतले शुभकामना मन्तव्य व्यक्त गरेका थिए ।

लायन्स क्लब पोखरा तालबाराही र पाल्पाली बहुउद्देश्यीय सहकारीको सहकार्यमा भएको कार्यक्रममा ३६ यूनिट रगत संकलन भएको थियो ।

समाजका अध्यक्ष कुलप्रसाद घिमिरेको अध्यक्षतामा भएको कार्यक्रममा स्वागत समाजका उपाध्यक्ष रेशम रचक थापा र संचालन सचिव केशव नेपालले गरेका थिए ।

Related News

सम्बन्धित समाचार

    hero news full width

    Fishtail

    sanil ads

    wordlink ads