नवलपरासी । पश्चिम नवलपरासीमा १५ वर्षीया बालिकालाई सामूहिक बलात्कार गर्ने बलात्कारी बचाउन राजनैतिक दौडधूप भएको छ ।
ती बालिकालाई ७ जनाले सामूहिक बलात्कार गरेको भए पनि बालिकाले पहिचान गर्न सकेका २ लाई मात्र अहिलेसम्म प्रहरीले नियन्त्रणमा लिन सकेको छ । तथापि ती २ लाई पनि पैसाको प्रलोभन देखाई मिलापत्र गर्न दबाब आएको बालिकाका आफन्तले गुनासो गरेका छन् ।
घटना मिलाउन राजनीतिक दलका स्थानीय नेताहरुले पटक–पटक दबाब दिने गरेको उनीहरुले बताएका छन् । पीडित बालिका र उनका आफन्तले दोषीमाथि कारबाही माग गर्दै प्रहरीमा उजुरी दिएको भएपनि पैसा दिएर घटना मिलाउन दबाब आएको हो ।
पाल्हीनन्दन २ की ती बालिकालाई गत विहीबार ७ जनाले सामूहिक सामूहिक बलात्कार गरेको आरोपमा २ लाई बिहीबार पक्राउ गरिएको जिल्ला प्रहरी कार्यालयका सूचना अधिकृत राजिव श्रेष्ठले बताए ।
कात्तिक २७ गते रातिको समयमा घरदेखि बाहिर रहेको नलमा पानी लिन गएको अवस्थामा अचानक बालिकाको मुख खोपेर घरदेखि करिब ३ सय मिटर पर बगैँचामा लगि सामूहिक बलात्कार गरेको पीडित बालिकाकी आफन्तले बताएका छन् ।
भारतीय सीमासँग जोडिएको पाल्हीनन्दन २, अमानीगञ्जका १७ वर्षीय किसन केवट र सोही स्थानका १६ वर्षीय कृष्ण तेली गुप्ता सो अभियोगमा पक्राउ परेका हुन् ।
पहिला २ जनाले उठाएर बगैँचामा लगेको भएपनि पछि ७ जनाले पालैपालो सामूहिक बलात्कार गरेको पीडित बालिकाले प्रहरीसमक्ष बयान दिएकी छिन् ।
पीडकलाई कडा कारबाही गर्नुको सट्टा दलका स्थानीय नेताले पैसाको प्रलोभन देखाई पीडित परिवारलाई मिलापत्र गर्न दबाब दिँदै आएको पीडित बालिकाकी आमाले बताइन् ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१