आदर्शचौतारीको सहयोग

Avatar आदर्श समाज सम्वाददाता
मंसिर ७, २०७७

पोखरा । लायन्स क्लब अफ पोखरा आदर्शचौतारीले शनिबार पोखराको भीमकालीस्थित संस्कृत विद्यालयलाई सहयोग प्रदान गरेको छ ।

प्रमुख अतिथि क्लस्टर प्रमुख माधव पौडेलले सहयोग सामाग्री हस्तान्तरण गर्दै कोरोनाका कारण विद्यालय समेत प्रभावित हुँदा सहयोगी मन हुँदाहुदै पनि निरन्तरता दिन नसकेकोमा दुख प्रकट गरे । उनले आगामी दिनहमा बालबालिका लक्षित सहयोग कार्यक्रम रहने बताए ।

क्लब अध्यक्ष मोहनराज पौडेलको अध्यक्षतामा भएको कार्यक्रममा संस्थापक अध्यक्ष बासुदेव कोइराला, विद्यालय व्यवस्थापन समिति अध्यक्ष लीलाराज श्रेष्ठ, गुरूकुल संयोजक विष्णुप्रसाद अधिकारी लगायतले शुभकामना मन्तव्य राखेका थिए ।

उक्त अवसरमा विद्यालयका आवासीय बटुकलाई करिब २० हजार बराबरको खाद्यसामग्री, मास्क, साबुन, सेनिटाइजर वितरण गरिएको थियो ।

कार्यक्रममा धन्यवाद ज्ञापन प्रथम उपाध्यक्ष वसन्तराज कोइराला र सञ्चालन क्लब सचिव दामोदर आचार्यले गरेका थिए ।

हाम्रो सुझाव