पोखरा । कोरोना भाइरस प्रभाव कारण लामो समयदेखि बन्द रहेको पोखराको अल्ट्रालाइट सेवा बुधबारदेखि संचालनमा आउने भएको छ ।
सरकारले गत वर्ष चैत ११ देखि लकडाउनसँगै विभिन्न समयमा निषेधाज्ञा गरेपछि अल्ट्रालाइट बन्द हुँदै आएको थियो । आन्तरिक हवाई उडानसँगै उडान अनुमति दिइए पनि ग्राहक अभाव तथा कम्पनीको आन्तरिक व्यवस्थापन पर्याप्त नहुँदा उडान हुन सकेको थिएन ।
यसैक्रममा पोखरा अल्ट्रालाइट प्रालिले बुधबार बिहान ७ बजे पोखरा एयरपोर्टबाट पहिलो उडान भर्दैछ । कम्पनीका प्रबन्ध निर्देशक पोमनारायण श्रेष्ठले पर्यटन प्रवद्र्धनमा सघाउ पुग्ने हेतुले कोरोना महामारीबीच पनि आवश्यक स्वास्थ सुरक्षा कायम गर्दै उडान सुरु गर्न लागिएको जानकारी दिए । उनका अनुसार पहिलो दिन ४ वटा उडान हुने छन् । यो उडान कोरोना महामारीका कारण साढे ७ महिनापछिमात्र पुनः संचालन हुन लागेको हो ।
प्याराग्लाइडिङ कम्पनीले साविक दररेटमा आधा छुट गरेपछि आन्तरिक पर्यटकको घुइँचो थामिनसक्नु भएको बेला अल्ट्रालाइटमा भने यति नै छुट गर्ने भन्नेबारे यकिन भइनसकेको श्रेष्ठले बताए । उनका अनुसार बिस्तारै केही रकम छुट दिइनेछ ।
अल्ट्रालाइटमा उडेर पोखराको आकाशमा कम्तीमा १५ मिनेटसम्म रमाउँदा ७ हजार रुपैयाँ खर्च लाग्छ । थप समयअनुरुप दररेट पनि थप हुँदै जान्छ ।
पोखरामा अल्ट्रालाइट उडान भर्ने विभिन्न ४ कम्पनी छन् । सबैभन्दा सुरुवातमा एभिया क्लबले यहाँको आकाशमा २५ वर्षअघि साहसिक अल्ट्रालाइट सेवा सुरुवात गरेको हो ।
एभिया क्लब र पोखरा अल्ट्रालाइट प्रालिका अलावा फिस्टेल अल्ट्रालाइट र हेली एयरले पोखरामा अल्ट्रालाइट उडान भर्दै आएका हुन् ।
यी चारमध्ये पोखरा अल्ट्रालाइटले पुनः उडान सुरु गरिसक्दा अन्यले भने तयारी गरिसकेका छैनन् ।
फिस्टेलले अल्ट्रालाइटका प्रबन्ध निर्देशक पारस गौतमले विषम परिस्थितिबीच तत्काल सुरुवात गर्ने अवस्था नरहेको बताए । उनले सहज वातावरण आइसकेपछि उडान भर्ने तयारीमा आफूहरु रहेको जानकारी दिए ।
विश्वमै पर्यटकीयरुपमा ख्याती कमाएका अल्ट्रालाइटहरु पोखरामा नागरिक उड्डयन प्राधिकरणअन्तर्गत मातहत संचालित छन् । यो सेवा साहसिक पर्यटनका लागि आकर्षणको केन्द्र बन्दै आएको छ । अल्ट्रालाइट जहाजमा उडेर पोखरा सहर, फेवाताल, हिमाल अवलोकन गर्न आन्तरिक एवं बाह्य पर्यटक आकर्षित हुन्छन् । अल्ट्रालाइटमा पाइलटका अलावा अर्का एक जनामात्र उड्न मिल्छ । पोखरा घुम्न आउने ३० प्रतिशतभन्दा बढीले साहसिक खेलकुदमा रुचि राख्ने गरेका छन् ।
पोखरामा प्याराग्लाइडिङ उडान भने गत असोजदेखि नियमित संचालनमा आएको हो । उडानमा ५० प्रतिशतसम्म छुट दिँदा आन्तरिक पर्यटकको घुइँचो लागेको छ । नेपाल हवाइ खेलकुद संस्था (ना) अन्तर्गत प्याराग्लाइडिङ कम्पनी पोखरामा कुल ६१ छन् । तीमध्ये हाल करिब ५० कम्पनी संचालनमा रहेको ना अध्यक्ष कृष्ण भण्डारीले बताए ।
पोखरामा संचालित अर्को साहसिक खेल जीप फ्लायर पनि पुनः संचालनमा आइसकेको छ ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१