संक्रमित क्षेत्रमै नेलम्बोको सहयोग

आदर्श समाज सम्वाददाता
असाेज २०, २०७७

हेमजा । नेलम्बो नेपालले माछापुच्छ्रे गाउँपालिका ६ स्थित भेंडावारी प्राथमिक स्वास्थ्य सेवा केन्द्रलाई स्वास्थ्य सुरक्षाका सामग्री प्रदान गरेको छ । सो क्षेत्रमा हाल ४ जना स्थानीयमा कोरोना भाइरस संक्रमण देखा परेको छ ।

अन्यलाई संक्रमण नफैलियोस् र सर्तकताका साथ उपचार गर्न सहजहोस् भन्ने हेतुले नेलम्बोले सहयोग गरेको जनाएको छ ।

नेलम्बोले पीपीई, सेनिटाइजर, सर्जिकल माक्स, के एन–९५ मास्क, पञ्जा, डिसइन्फेक्टेड सोडियम हाइड्रोकोरोराइड, खुट्टाले चलाउन मिल्ने सेनिटाइजर स्ट्याण्ड, साबुन, फेसशिल्ड गरी ५६ हजार रुपैयाँ बराबरका स्वास्थ्य सुरक्षाका सामग्री प्रदान गरेको हो । सो सहयोग संस्थाका जनसम्पर्क सुपरभाइजर भीमप्रसाद भण्डारीले केन्द्रका फार्मेसिष्ट विजय दवाडीलाई हस्तान्तरण गरे ।

केन्द्रका फोकलपर्सन लक्ष्मण दाहालले हालसम्म ४ जना स्थानीयमा कोरोना पोजेटिभ देखिएकोमा २ जना कोरोना मुक्त भइसकेको र २ जना उपचारकै क्रममा रहेको जानकारी दिए ।