पोवि उपकुलपति अर्यालद्वारा पदभार ग्रहण

पोखरा, १९ असोज । पोखरा विश्वविद्यालयका नवनियुक्त उपकुलपति प्राडा प्रेमनारायण अर्यालले आफू नीतिनियमभित्र बसेर काम गर्ने प्रतिबद्धता व्यक्त गरेका छन्।

आइतबार पदभार ग्रहण पछि पोखरा विश्वविद्यालयका कर्मचारी र प्राध्यापकले उनको स्वागतमा आयोजना गरेको कार्यक्रममा बोल्दै प्राडा अर्यालले सो कुरा बताएका हुन्।

लामो समयसम्म रिक्त उपकुलपति पदमा आफू नियुक्त भएर आउने दिनमा नै विश्वविद्यालयको अवस्था र गर्नुपर्ने कार्यतालिका तयारीमा आफू रहेको उनले बताए।

कार्यक्रममा पोवि कर्मचारी संघ अध्यक्ष शिवराज पण्डित, प्राध्यापक संघ अध्यक्ष हेमराज पाण्डे, स्कूल अफ विजनेसका डिन प्राध्यापक हरिबहादुर खड्का, पोवि सेवा आयोग अध्यक्ष रघुनाथ अधिकारी, सदस्य हरि त्रिपाठी, कर्मचारी तारा सापकोटा लगायतले बोलेका थिए।