विशालको उपचारार्थ आर्थिक सहयोग

Avatar आदर्श समाज सम्वाददाता
असाेज १२, २०७७

पोखरा । कँरेत सर्पले टोकेपछि उपचारार्थ अस्पताल भर्ना भएका मादी–६ का १४ वर्षीय विशाल पौडेलको थप उपचारार्थ आर्थिक सहयोग गरिएको छ ।

उनको गण्डकी अस्पतालमा २० दिनसम्म भेन्टिलेटरमा राखेर उपचार भइरहेकोमा स्वास्थ्यमा सुधार नआएपछि थप उपचारार्थ केही दिनअघि काठमाडौं रेफर गरिएको छ । उनको परिवार आर्थिक स्थिति विपन्न रहेकोले उपचार सहयोगार्थ सन्तोष श्रेष्ठले १० हजार र श्रीराम गौतमले ५ हजार रुपैयाँ सहयोग गरेका छन् ।

उनीहरुको पहलमा देशविदेशबाट सहयोगको आह्वान गरिएकोमा अमेरिकाको वाल्टिमोर बस्ने नेपाली दाजुभाइले, इष्टमित्र तथा शुभचिन्तकले १ लाख १३ हजार रुपैयाँ संकलन गरी पठाएका छन् ।

सो रकम समेत बिरामी विशालका दाजु विजय र विशाललाई संयुक्तरुपमा पोखरामा आइतबार हस्तान्तरण गरिएको सहयोगी श्रीराम गौतमले जानकारी दिए ।

बिरामी विशाल पौडेललाई नयाँ जीवन दिन सबैजनाले सानै सहयोग भए पनि गरिदिन आह्वान गरिएको छ ।