पोखरा । नेपाली काँग्रेस कास्कीका नेता भोजबहादुर गुरुङ ‘सिकन्दर’ को सोमबार रामघाटस्थित बौद्व अर्घाै सदनमा बौद्व परम्परा अनुसार अन्त्येष्टि गरिएको छ ।
अन्त्येष्टिअघि पोखरा ५, पस्र्याङस्थित गुरुङ निवासमा नेपाली काँग्रेसका सहमहामन्त्री डा प्रकाशशरण महत, पूर्व महामन्त्री तारानाथ रानाभाट, नेता शुक्रराज शर्मा, कास्की काँग्रेस सभापति कृष्ण केसी र पूर्व सभापति यज्ञबहादुर थापाले पार्टीको चारतारे झण्डा ओढाएर अन्तिम श्रद्वाञ्जली अर्पण गरेका थिए ।
कास्की काँग्रेसका प्रवक्ता नवीन सिग्देलका अनुसार श्रद्वाञ्जली अर्पणका लागि पार्टीका नेता, सयौं कार्यकर्ता र शुभेच्छुक पुगेका थिए । निवासदेखि बौद्व अर्घाै सदनसम्म शवयात्रा गरिएको थियो ।
केही समयदेखि हेपाटाइटिसबाट पीडित गुरुङको उपचारका क्रममा पोखराको गण्डकी मेडिकल कलेजमा आइतबार दिउँसो निधन भएको हो । उनी ५८ वर्षका थिए । उनका १ श्रीमती र दुई छोरा छन् ।
२०१९ असार २९ मा कास्कीको अन्नपूर्ण गाउँपालिका–४ भदौरे, देउरालीमा जन्मेका गुरुङ हाल पोखरा ५ पस्र्याङमा बस्दै आएका थिए ।
गुरुङ पार्टीभित्र इमान्दार, निष्ठावान, सरल र त्यागी नेताका रुपमा लोकप्रिय थिए । २०३६ र २०४६ को क्रान्तिमा अग्रमोर्चामा रहेर भूमिका निर्वाह गरेका गुरुङ निडर र स्पष्ट वत्ता थिए ।
बिनास्वार्थ पार्टीको सशक्तीकरण र कार्यकर्ताको समस्या बारेमा खुलेर बोल्न सक्ने नेताकोे छवि बनाएका थिए । उनी प्रदेशसभाको चुनावमा कास्की क्षेत्र ३(ख) बाट उम्मेदवार बनेका थिए ।
यसैबीच, नेपाली काँग्रेस कास्कीले सोमबार शोक विज्ञप्ति प्रकाशित गरी गुरुङको निधनले पार्टी स्तब्ध भएको जनाएको छ ।
कास्की काँग्रेसका सभापति कृष्ण केसीद्वारा जारी विज्ञप्तिमा नेपाल विद्यार्थी संघमा क्रियाशील रहँदादेखि नै जुझारु क्रान्तिकारी स्वभावका गुरुङ निष्ठावान्, इमान्दार, त्यागी, निडर र निस्वार्थी स्वभावको भएको उल्लेख छ ।
विद्यार्थी आन्दोलनमा पटक–पटक नेतृत्वदायी भूमिका निर्वाह गरेका उनी युवा तरुणबीच प्रिय नेताका रुपमा परिचित रहेको र पंचायती व्यवस्थाविरुद्धको आन्दोलनसहित नेपालको प्रजातान्त्रिक आन्दोलनहरुमा अग्रपंक्तिमा रही महत्वपूर्ण भूमिका निर्वाह गरेको जनाइएको छ ।
सिद्धान्तप्रति निष्ठावान्, कर्मशील, निडर र प्रष्ट नेता गुरुङको निधनले नेपाली काँग्रेस कास्कीको संगठनमा गम्भीर क्षति पुगेको भन्दै दुःख व्यक्त गरिएको छ ।
शोक विज्ञप्तिमा दिवंगत आत्माको चिरशान्तिको कामनासहित शोक सन्तप्त पिता लोकबहादुर गुरुङ, धर्मपत्नी देवी गुरुङ, छोराहरु अभिनास गुरुङ, अनिश गुरुङ सहितका सम्पूर्ण परिवारजनमा समवेदना व्यक्त गरिएको छ ।
Related News
सम्बन्धित समाचार
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१