होटल तालिम प्रदायक संघमा राना

Avatar आदर्श समाज सम्वाददाता
भाद्र २८, २०७७

पोखर । पोखरामा लामो समयदेखि होटलसम्बन्धी विभिन्न विषयको तालिम प्रदान गर्दै आएका तालिम प्रदायक संस्थाहरू संगठित भएका छन् ।

नवगठित संघको अध्यक्षमा हिमालयन कलेज अफ हस्पिटालिटी म्यानेजमेन्टका प्रबन्ध निर्देशक ज्ञानबहादुर राना चयन भए ।

त्यसैगरी, उपाध्यक्षमा इन्टरनेशनल होटल तालिम केन्द्रका शेरसिंह गुरुङ, सचिवमा इन्टरनेशनल कलेज अफ एप्लाइड साइन्सका प्रबन्ध निर्देशक सम्मरबहादुर थापामगर र कोषाध्यक्षमा एभरेष्ट इन्स्टिच्युट अफ होटल म्यानेजमेन्टका महेश श्रेष्ठ चयन भए ।

सदस्यमा लेखनाथ होटल तालिम केन्द्रका दीपेन्द्र अधिकारी, स्कुल अफ बार टेण्डर्सका राजेन्द्र गुरुङ र सुशी होटल तथा भाषा तालिम केन्द्रका दिनेश कुँवर तथा सल्लाहकारमा पश्चिमाञ्चल होटल संघ, पोखराका अध्यक्ष विकल तुलाचन, कान्तिपुर टुरिजम एण्ड होटल म्यानेजमेण्ट कलेजका विजय पौडेल र स्टाण्डर्ड होटल एण्ड ल्याङ्वेज तालिम इन्स्टिच्युटका अरुण मानन्धर चयन भएका छन् ।

अध्यक्ष रानाले सम्बद्ध संस्थाहरू मिली पाठ्यक्रम, सीप परीक्षण, इन्टर्नसीप लगायतमा सहजता तथा एकरुपता ल्याउन संस्था स्थापना गरिएको बताए ।

संस्थाले सदस्य संस्थाहरूमा लागू हुने गरी एक मूल्य सूची तयार गरिसकेको जनाएको छ । संस्थाले अब सिफारिस गरेको पाठ्यक्रम लागू गराउने छ, जसको लागि शेरसिंह गुरुङको संयोजकत्वमा अनुगमन विभाग उपसमिति गठित छ ।
‘होटल तालिम प्रदायक संघ नेपाल’ जिल्ला प्रशासन कार्यालय, कास्कीमा दर्ता समेत गरिएको छ ।

हाम्रो सुझाव