गण्डकीमा थप एक संक्रमितको मृत्यु

आदर्श समाज सम्वाददाता
भाद्र २७, २०७७

फाइल फोटो ।

पोखरा, २७ भदौ । गण्डकी प्रदेशमा थप एक जनाको कोरोना संक्रमणबाट मृत्यु भएको छ ।

स्याङ्जा पुतलीबजार नगरपालिका वडा नं. १ का ८५ वर्षीय पुरुषको आज मृत्यु भएको पोखरा स्वास्थ्य विज्ञान प्रतिष्ठान अन्तर्गत पश्चिमाञ्चल क्षेत्रीय अस्पतालले जनाएको छ ।

उनलाई भदौ २४ गते क्षेत्रीय अस्पताल अन्तर्गत कोभिड–१९ उपचार केन्द्रमा ल्याइएको थियो ।

यो सँगै यस उपचार केन्द्रमा मृत्यु हुने संक्रमितको संख्या १० जना पुगेको अस्पतालले विज्ञप्ति मार्फत जानकारी दिएको छ ।