पोखरा २८ का विपन्नलाई नेलम्बोद्वारा सहयोग

आदर्श समाज सम्वाददाता
श्रावण ३२, २०७७
kalika nelambo progrem photo

हेमजा, ३२ साउन। नेलम्बो नेपालले शनिवार एक कार्यक्रमका बीच पोखरा २८ स्थित कालिकास्थान र माझठानामा दोस्रो चरणको खाद्य राहात सामग्री तथा स्वास्थ्य सुरक्षाका सामग्रीहरु वितरण गरेको छ।

संस्थाले कोरोना भाइरस(कोभिड १९) को रोकथाम तथा नियन्त्रणका लागि उक्त सामग्री वितरण गरेको हो।वडाका अति विपन्न, असक्त, असाहाय, दैनिक ज्यालादारी मजदुरलाई सामग्री वितरण गरिएको हो। जस अन्र्तगत खाद्य राहाततर्फ चामल, दाल, तेल, सोयाविन, नुन र सरसफाईको लागि डिटोल साबुन उपलब्ध गराइएको छ ।

कालिकास्थानका ५० र माझठानाका ५० गरी जम्मा एक सय परिवारलाई खाद्य सामग्री वितरण गरिएको हो ।सोही क्रममा स्वास्थ्य सुरक्षाका सामग्री पिपिई, फेस शिल्ड क्याप, ज्वरो नाप्ने थर्मल गन, के.एन् ९५ माक्स, सेनिटाइजर, डिस्पोजेवल पञ्जा पनि वितरण गरिएको छ ।कुल रु.२ लाख ३४ हजार नौ सय ८० वरावरका सामग्री वितरण गरिएको नेलम्बोले भनेको छ।

कार्यक्रममा बोल्दै प्रमुख अतिथि आन्तरिक राजश्व कार्यालय पोखराका कर अधिकृत विजयप्रसाद लामिछानेले नेलम्बोले छोटो समयमा सम्बन्धित स्थानमै पुगी धेरै सहयोग उपलब्ध गराएको बताए। नेलम्बोका अध्यक्ष एकदेव देवकोटाले कोरोना भाइरसको जोखिम दिनानुदिन बढ्दै गएकाले त्यससँग थप सजक हुनुपर्नेमा जोड दिए ।उनले वितरण गरिएका सवै स्वास्थ्य सामग्रीको उचित प्रयोग गर्नुपर्ने आवश्यकता समेत औँल्याए।

वडाध्यक्ष निर्मल दियालीले नेलम्बो नेपालले विषम परिस्थितिमा गरेको सहयोगले वडाका गरिव, विपन्न मजदुरलाई थप राहात पुग्ने र उपलब्ध गराईएका स्वास्थ्य सामग्रीले यो महामरीमा खटिएका स्वास्थ्य सुरक्षाकर्मीलाई थप उर्जा प्रदान गर्ने भनाई राखे।त्यस्तै उनले नेलम्बो नेपालले विभिन्न स्थानमा गरेको सहयोग आफूले विभिन्न सञ्चार माध्यम मार्फत थाहा पाएको र आज आफूमाँझ आएर सहयोग पाउँदा गौरव भएको पनि उल्लेख गरे ।

नेलम्बोका अध्यक्ष देवकोटा, उपाध्यक्ष सरोज कोइराला, कार्यक्रम संयोजक डा. किसन कोइराला, जनसम्पर्क सुपरिवक्षेक भिमप्रसाद भण्डारी लगायतको टोलीले सामग्री प्रदान गरेको हो।वडाध्यक्ष दियालीको अध्यक्षतामा सम्पन्न उक्त कार्यक्रममा वडासदस्य अम्बिका बुढाथोकीले स्वागत साथै वडा सचिव झंकनाथ पौडेलले कार्यक्रम संचालन गरेका थिए।

यसैबीच नेलम्बोले पोखरा–११, काँहुका पहिरो पीडित संगीता परियार र प्रेम क्षेत्रीको परियारलाई पनि आइतवार सहयोग गरेको छ ।उनीहरुलाई एक/एक थान त्रिपाल र रु. एक हजार पाँच सय बराबरका खाद्य सामग्री प्रदान गरिएको हो ।वडा सदस्य जंगबहादुर हमाल ढकुरी र पत्रकार दामोदर आचार्यको उपस्थितिमा सहयोग हस्तान्तरण गरिएको जनाइएको छ।

Related News

सम्बन्धित समाचार

  • गण्डकी धौलागिरी पेट्रोलियममा मोहन

    आदर्श समाज सम्वाददाता माघ २८, २०८१
    पोखरा । गण्डकी धौलागिरी पेट्रोलियम डिलर्स एशोसिएसनको २७ औं साधारण सभा तथा १४ औं अधिवेशनले मोहन सुवेदीको अध्यक्षतामा नयाँ कार्यसमिति…
  • पाेखरा नयाँबजारको मेलामा राजस्थानी नृत्य

    आदर्श समाज सम्वाददाता माघ १८, २०८१
    पोखरा । भारतको राजस्थान राज्यको उदयपुर संभाग क्षेत्रका महिलाहरु परम्परागत रुपले टाउकोमा ८/९ वटा पानीको घडा (माटोको गाग्री) राखेर नाच्छन्…
  • पुँडीटार औद्योगिक क्षेत्र : इआइए सकियो, भएन जग्गा प्राप्ति

    आदर्श समाज सम्वाददाता माघ १६, २०८१
    पोखरा । गण्डकी प्रदेश सरकारको गौरवको आयोजना हो–प्रदेश औद्योगिक क्षेत्र निर्माण । २०७४ सालमा सरकार गठन भएकै समयमा नवलपुरको लोकाहाखोला…
  • नेपाल एसबिआई बैंकद्वारा ३ लाख सहयोग

    आदर्श समाज सम्वाददाता माघ १२, २०८१
    पोखरा । नेपाल एसबिआई बैंक लि. ले सामाजिक उत्तरदायित्व कार्यक्रमअन्तर्गत नदीपुरस्थित नेपाल भारतमैत्री पुस्तकालय सहजरुपमा सञ्चालन गर्न नेपाल भारत मैत्री…
  • मेला हेरे मोबाइल !

    आदर्श समाज सम्वाददाता माघ ११, २०८१
    पोखरा । राष्ट्रिय औद्योगिक व्यापार मेला एवं आइटी महोत्सवमा सहभागी दर्शकमध्ये हरेक दिन पाँच जनालाई मोबाइल पुरस्कार दिइने भएको छ…

hero news full width