पोखरा, १९ असार । निर्देशक मन्दिप रानाको तेस्रो फिल्म ‘क्या बात छ’ को शीर्षगीत सार्वजनिक भएको छ।

विजय कुमार र रजनी ऋदम राईको स्वर रहेको सो गीतमा संगीत देशभक्तसिंह कुँवरले दिएका छन् ।

नवीन घतानेको शब्द रहेको गीतमा चर्चित लोकगायिका तुलसा क्षत्री र नवीन घतानेको फिचरिङ छ ।

श्यामशुक्ला फिल्म प्रोडक्सनको प्रस्तुतिमा निर्मित सो फिल्ममा कोरियोग्राफी र निर्देशन मन्दिप रानाको छ।

मेकअप मोहन लामा, छायांकन राहुल राइ र सम्पादन नेत्र गुरुङ र अशोक आलेको रहेको छ।

चलचित्रका अन्य कलाकारमा देशभक्तसिंह कुँवर, विजय कुमार, अविराज बिसी, अर्जुन गिरि, गीत सुनार, रोशनी सुनैना, सुस्मिता परियार लगायत छन् ।

भिडियो श्यामशुक्ला इन्टरटेनमेन्टको युटूब च्यानलबाट सार्वजनिक भएको हो ।

युवालक्षित सो फिल्मको रिलिज डेट पछि तोकिने जनाइएको छ ।