यो वेबसाइट आदर्श समाज राष्ट्रिय दैनिकको आधिकारिक न्युज पोर्टल हो । नेपाली तथा अङग्रेजी भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

आदर्श समाज राष्ट्रिय दैनिकको यस क्षेत्रमा आफ्नो छुट्टै पहिचान छ। यस क्षेत्रमा यो एक सर्वाधिक पढिने पत्रिका भएको छ। ‘समुन्नतिका लागि स्वतन्त्र पत्रकारिता’ नाराका साथ अघि बढेको यस पत्रिकाले नारा अनुसार व्यवहारमा पनि स्वतन्त्र रहेर पत्रकारिताको धर्म निर्वाह गरिरहेको छ।

वेदगुरु केदारनाथ रहेनन्

आदर्श समाज सम्वाददाता
जेठ ६, २०७७

पोखरा, ६ जेष्ठ । वेदगुरु अग्निहोत्रि पण्डित केदारनाथ उपाध्याय तिमिल्सिनाको ९७ औं वर्षमा निधन भएको छ।

पोखरा चिसाखोला वेद विद्याश्रमका प्रमुख संरक्षक उपाध्यायको आफ्नै निवास पोखरा १८ चिसाखोला आश्रममा सोमबार बेलुका निधन भएको हो।

वि.स. १९८० मा नुवाकोट जिल्लाको खनियाखर्क धनदेउमा जन्मिएका उपाध्यायले वि.स. १९९९ देखि पोखराको चिसाखोला आश्रममा रहि धार्मिक अनुष्ठानहरु गर्दै २०१७ सालदेखि उक्त आश्रम सञ्चालनको अभिभारा लिएका थिए। उक्त आश्रममा पोखरा चिसाखोला वेदविद्याश्रम स्थापना भई औपचारिक वैदिक शिक्षाको थालनी सहित हाल कक्षा १२ सम्मको पढाई भैरहेको छ।

यसैगरी पं. केदारनाथ र धर्मपत्नी दिव्यश्वरीबाट चिसाखोला आश्रम गुठी अक्षयकोष स्थापना भएको छ।

स्व. उपाध्यायका दुई छोरा र चार छोरी, नातिनातिनाहरु समेत रहेका छन्। जेठा छोरा मोक्षनाथ तिमिल्सिना पोखरा चिसाखोला वेद विद्याश्रमका प्राचार्य हुन् । यसैगरी कान्छा छोरा राजेन्द्र राज तिमिल्सिना नेपाल टेलिभिजनका पत्रकार हुन्। स्व. उपाध्यायकाे मंगलबार सेतीनदीकाे तुल्सीघाटमा दाहसंस्कार गरिएकाे छ ।