Worldlink ads

तमु धिं नेपालले पोखरा महानगर विपद व्यवस्थापन कोषमा १ लाख १ हजार सहयोग

आदर्श समाज सम्वाददाता
वैशाख २७, २०७७
tamu diiiii

पोखरा, २७ बैशाख। तमु धिं नेपालले पोखरा महानगपालिकालाई १ लाख १ हजार सहयोग गरेको छ। प्राणघातक कोभिड १९ कोरोना भाइरसले मुलुक डेढ महिना अघिदेखि लकडाउन भइरहेको अवस्थामा तमु धिं नेपालले पोखरा महानगरपालिकाको विषद व्यवस्थापन कोषमा शनिवार सहयोग हस्तान्तरण गरेको हो।

तमु धिं नेपालका कार्यवाहक अध्यक्ष हुमबहादुर गुरुङको नेतृत्वमा गएकाे तमु धिं नेपालकाे टोलीले पोखरा महानगरपालिकाका प्रमुख मानबहादुर जिसी र उपप्रमुख मञ्जुदेवी गुरुङलाई उक्त रकमकाे चेक हस्तान्तरण गरे। चेक ग्रहण गर्दै पोखरा महानगरपालिकाका प्रमुख मानबहादुर जिसीले कोरोनाले विश्व नै माहामारीमा परेको बेला तमु धिं नेपालले गरकाे सहयोगकाे लागि पोखरा महानगर कार्यपालिकाकाे तर्फबाट धन्यवाद व्यक्त गरे। भेटमा महानगरका उपमेयर मञ्जुदेवी गुरुङले महानगरले हालको समस्यामा परेका महानगरबासीका समस्या समाधान गर्न जुटिरहेको र केही समस्या भए महानगरको हटलाईन ११८१ र ११८६ मा सम्पर्क गर्न अनुरोध गरिन्। महानगरले चैत्र महिना यता ४२ दिनभित्रका सुत्केरी भएका आमाहरुलाई पोषणयुक्त राहत र नगद ५ सय रुपैया वितरण गर्दै आएको उनले बताइन्।

तमु धिं नेपालमा कार्यवाहक अध्यक्ष हुमबहादुर गुरुङले कोरोनाको कहरमा पोखरा महानगरपालिकालाई संस्थागत सामाजिक उत्तरदायित्व महसुस गर्दै थोरै भए पनि सहयोग गरेको बताए। आफै मागेर सञ्चालन हुने सामाजिक संस्थाले मुलुक संकटमा पर्दा सक्दो सहयोग गर्नुपर्दछ र अझै पनि महानगर, वडाहरुलाई आवश्यक परे भन्नुस् तमु धिं नेपाल र ४८ क्षेत्रीय समाजहरु सहयोग गर्न तयार रहेको उनकाे भनाई थियो।

यस अघि तमु धिं नेपाल र क्षेत्रीय तमु समाजहरुको तर्फबाट गण्डकी प्रदेश सरकारलाई कोरोना भाइरस नियन्त्रण र उपचारकोषमा ५ लाख रुपैया सहयोग हस्तान्तरण गरिसकेको छ भने क्षेत्रीय तमु समाजहरुले आफ्नो समाज भित्र र क्षेत्रमा समस्यामा परेकाहरुलाई राहत वितरणका साथ सहयोग गर्दै आईरहेको छ। यसरी नै तमु धिं नेपालले क्वारेण्टाइनका लागि आवाश्यकता भए प्रदेश सरकारलाई तमु धिं नेपाल र क्षेत्रीय समाज भवनहरु उपलब्ध गर्ने निर्णय नै मुख्यमन्त्री पृथ्वीसुब्बा गुरुङलाई हस्तान्तरण गरेको थियो।

Related News

सम्बन्धित समाचार

    • पोखराको सुन्दरतामा रमाए राजदूत

      विजय नेपाल असाेज ११, २०७८
      पोखरा । नेपालस्थित विभिन्न राष्ट्रका ११ राजदूतसहित कुटनीतिक नियोगका पदाधिकारी सम्मिलित विशिष्ट पाहुनाको टोली पोखराको सुन्दरतामा रमाएको छ । गण्डकी…
    • लेखनाथ उद्योग वाणिज्य संघको निर्वाचित टोलीलाई व्यवसायीको बधाई

      आदर्श समाज सम्वाददाता असाेज ११, २०७८
      पोखरा । पोखरा उद्योग वाणिज्य संघले लेखनाथ उद्योग वाणिज्य संघको नवनिर्वाचित अध्यक्ष छत्रधर आत्रेय नेतृत्वको कार्यसमितिलाई बधाई एवं कार्यकाल सफलताको शुभकामना…
    • चुनाव हारेपछि रामराजको राजीनामा

      आदर्श समाज सम्वाददाता असाेज ११, २०७८
      पोखरा, ११ असोज । नेपाली कांग्रेस पोखरा महानगरका तर्फबाट दलका नेता तथा सचेतक रामराज लामिछानेले सो पदबाट राजीनामा दिएका छन्…
    • लुम्बिनी विकास बैंक र कुटी रिसोर्टबीच सम्झौता

      आदर्श समाज सम्वाददाता असाेज ११, २०७८
      पोखरा, ११ असोज । लुम्बिनी विकास बैंक लि. ले पोखरा लेकसाइडस्थित कुटि रिसोर्ट प्रालिमा आफ्ना ग्राहकलाई विभिन्न सेवा तथा सुविधामा…
    • शवदाह गृहको शिलालेख अनावरण

      आदर्श समाज सम्वाददाता असाेज ११, २०७८
      गगनगौंडा । पोखरा ३० गगनगौंडास्थित सतीघाटमा रहेको शवदाह गृहको आइतबार शिलालेख अनावरण गरिएको छ । स्थानीय चन्दादाता र सामुदायिक वनको…

    hero news full width

    Jewellery

    sanil ads

    wordlink ads