धादिङ, २४ चैत । फाटेको पुरानो अनि मयल परेको लुगा । धमिलो अनुहार अनि काखमा एकसो लुगामा काखे बच्चा बोकेर गाउँ हिँडेको अवस्थामा भेटिए, २१ वर्षीया सानुमाया चेपाङ । बेनिघाटरोराङ गाउँपालिका–६ ममाङकि सानुमायाँ गाउँमा कोरोनाको जोखिम बढेको भए पनि बाँच्ने आशामा गाउँ घुम्न विवश भएका हुन् ।
उनीले भनिन् “केही दिनअघि घर आगलागी भयो । खरको छानाको घर जलेर नष्ट भयो । ज्याला गरेर ल्याएको अन्न र घरमा भएको लुगा सबै जल्यो । घरमा खानेकुरा भएन । ” बुमराङ गाउँमा भेटिएकी सानुमाया काखमा एक महिनाको बच्चा बोकेर खानेकुरा माग्दै हिँड्ेकी थिइन् । उनको दुई बच्चा घरमा छन् । उनको श्रीमान् पनि घरमा दुई बच्चा कुरेर बसेका छन् । “एक हलको मेलो जग्गा छ । जमिनको उत्पादनले खान पुग्दैन । ज्याला गरेर खानुपर्छ ।” उनीले भनिन् । कोभिड– १९ को जोखिमले गाउँमा समेत काम नपाएपछि यो परिवार समस्यामा परेको हो । गाउँमा मागेको खानेकुराले परिवार पालिएको सानुमायाले बताइन् ।
सानोखरको छानो घरभित्र एक डोकोमकै, खाना पकाउने भाडा र लगाउने लुगासमेत एकसरो पुरानो मात्र रहेको ३० वर्षीया सोल्टीमाया चेपाङको परिवार छुट्टै समस्याले गाँजेको छ । खोरियाबारी । ज्यला गरेर बाँच्नु पर्ने अवस्थाको चेपाङ परिवार । श्रीमान् ६० वर्षको भए । हाल उनीसँग सात जनाको परिवार छ । खानबस्न मात्र होइन । दादुराका कारण थलिएकी छोरी कोरोनाको त्रासका कारण उपचार नपाएर आँगनमै बसी रहेकी छिन् । समस्यामाथि समस्या आएको चेपाङ परिवारमा बाँच्नका लागि हरेक दिन सङ्घर्ष गरिरहेछ । कोरोना भाइरसको महामारीको हल्ला भएपछि काम नपाएकाले उनीहरु थोरैथोरै खोले खाएर बसिरहेको सोल्टीमायाले बताइन् ।
यी प्रतिनिधिमूलक दुई घटना हुन् । गाउँमा समेत काम नपाएपछि उनीहरु जस्तै बुमराङमा सात परिवार, बुङपुङ तार्केटारमा पाँच परिवार र रोतेसमा यस किसिमका सात परिवार खानेकुरा सकिएर समस्यामा परेको वडाध्यक्ष देवकृष्ण आलेले जानकारी दिए ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
hero news full width
मुख्य समाचार
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१