पोखरा । पोखरामा आगामी शनिवारदेखि हुने प्रथम अन्तर्राष्ट्रिय मार्शल आर्टस् हाप्किडो सेमिनारको संपूर्ण तयारी पूरा भएको छ ।
नेपाल मार्शल आर्टस् हाप्किडो संघले पत्रकार सम्मेलनको आयोजना गरेर सेमिनारको संपूर्ण तयारी पूरा भएको जनाएको हो ।
पत्रकार सम्मेलनमा बोल्दै संघका केन्द्रीय अध्यक्ष कालीबहादुर घर्तीमगरले अन्तर्राष्ट्रिय हाप्किडो सेमिनारको तयारी पूरा भएको जानकारी दिए । अध्यक्ष घर्तीमगरका अनुसार सेमिनारमा नेपालसहित २० देशका ग्राण्डमास्टर, मास्टर, प्रशिक्षक, खेलाडी र अफिसियल गरी ६ सय जनाको सहभागिता रहनेछ ।
सेमिनारमा अमेरिकाका ग्राण्डमास्टर ही क्वान ली, अष्ट्रियाका ग्राण्ड मास्टर गेरगार्ड अगरिज, रुसका ग्राण्डमास्टर डेमिड मोमोट, मेक्सिकोका ग्राण्डमास्टर एड्रिन गार्सिया, नेपालका मास्टर कालीबहादुर घर्तीमगर, आठौं सागका स्वर्णपदकधारी प्रकाश थापामगरलगायतले सेमिनारमा विशेष प्रशिक्षण दिने कार्यक्रम छ ।
सेमिनारको उद्घाटन अघि, पोखरा सभागृहबाट विभिन्न सांस्कृतिक झाँकीसहितको ¥याली निकालिने कार्यक्रम छ । ¥याली सभागृहचोक, लखनचोक हुँदै पोखरा रंगशाला पुगेर कार्यक्रममा परिणत हुने अध्यक्ष घर्तीमगरले बताए ।
सेमिनारको उद्घाटनपछि प्रशिक्षण सुरु हुने उनले जानकारी दिए । २०७३ सालमा हाप्किडो संघको गठन भएपनि छोटो समयमै राष्ट्रिय तथा अन्तर्राष्ट्रिय रुपमा अलग्गै पहिचान बनाउन सफल भएको अध्यक्ष घर्तीमगरको दाबी छ ।
नेपाल भ्रमण वर्ष २०२० लाई लक्षित गरी आयोजना गरिएको सेमिनारले खेलकुद क्षेत्रबाट पोखरालाई विश्वभर चिनाउन मद्दत पुग्ने राष्ट्रिय खेलकुद परिषद् (राखेप)का सदस्य राजेश गुरुङले बताए । नेपाल खेलकुद पत्रकार मञ्च, गण्डकी प्रदेशका अध्यक्ष एकराज गिरीले अन्तर्राष्ट्रियस्तरको हाप्किडो सेमिनारले पोखराबारे थप सकारात्मक सन्देश प्रवाह हुने उल्लेख गरे ।
दक्षिण कोरियाबाट शुरु भएको हाप्किडो आत्मसुरक्षामा आधारित खेल हो । आत्मरक्षा र सामाजिक अनुशासनका लागि यस खेलले महत्वपूर्ण भूमिका खेल्ने संघका अध्यक्ष घर्तीमगरको भनाई छ ।
उनका अनुसार सेमिनारको पूर्व तयारीका लागि केन्द्रीय समिति, गण्डकी प्रदेश समिति र जिल्ला समिति साथै, एक सय भन्दा बढी प्रशिक्षक एवं खेलाडीहरू एक महिनादेखि अहोरात्र खटिइरहेका छन् ।
Related News
सम्बन्धित समाचार
गण्डकी प्रदेशको प्रतिनिधित्व गर्ने राष्ट्रिय भलिबल खेलाडी सम्मानित
पोखरामा नेपाल लोकतान्त्रिक खेलकुदको भलिबल
फेवातालमा पौडी प्रतियोगिता
राष्ट्रिय माविको दौडमा तेञ्जन र कविता प्रथम
राष्ट्रिय माविको दौडमा तेञ्जन र कविता प्रथम
hero news full width
मुख्य समाचार
धानको लोपोन्मुख प्रजाति संरक्षण गरिँदै
गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१