नेपाली चलचित्र ‘१२ सत्ताइस’को ट्रेलर सार्वजनिक गरिएको छ। राजधानीमा एक कार्यक्रमको आयोजना गर्दै चलचित्रको ट्रेलर सार्वजनिक गरिएको हो।

मंसीरको २७ गतेबाट प्रदर्शनमा आउने तयारीमा रहेको लाइट कमेडी जनरामा निर्माण भएको हो। चलचित्रको सार्वजनिक ट्रेलरमा पैसा कमाउनको लागि ‘१२ सत्ताइस’ गर्ने कथा देखाउन खोजिएको छ।

जोन योञ्जनले चलचित्रको निर्देशन गर्ने भएका हुन्। चलचित्रमा समीर श्रेष्ठ, अभिषेक नेपाल, काजी राना, अस्िमता लामिछाने, सम्राट थापा, अभोन राज लगायत कलाकारको अभिनय रहेको छ। रेणु राना, दिपक खतिवडा र रुपक थापाले चलचित्र निर्माण गरेका हुन्।

चलचित्रका लागी सह–निर्माताको रुपमा गौतम शाहको लगानी रहेको छ। चलचित्रको कथा निर्देशक जोनले नै तयार पारेका हुन्।

अनिश श्याङदेनले छायांकन गरेको चलचित्र कृष्ण भण्डारीले सम्पादन गरेका छन्।