पोखरा ८, नागढुंगास्थित सिद्धार्थ राजमार्ग र यससँग जोडिएका ९ वटा सहायक सडक क्षेत्रमा २२ वटा सिसी क्यामेरा जडान गरिएको छ।
नागढुंगा विकास समाजको सिद्धार्थ मार्ग सिसी क्यामेरा जडित क्षेत्र अभियानअन्तर्गत क्यामेरा जडान गरिएको हो। स्थानीयबाट सहयोग जुटाएर करीब ५ लाखको लागतमा क्यामेरा जडान गरिएको सल्लाहकार भीमनाथ बरालले जानकारी दिए।
सीसी क्यामेरा शुभारम्भ गर्दै पोखरा ८ का वडाध्यक्ष रुद्रनाथ बरालले नागढुंगा विकास समाज महानगरकै उत्कृष्ट संस्था भएको बताए। वडा सदस्य कृष्णमान ठुसाजुले समाजको पहलमा भएको सृजनात्मक कामले आफूलाई निकै उत्साहित बनाएको उल्लेख गरे।
वडा प्रहरी कार्यालय बैदामका निरीक्षक बुद्धिसागर पुरीले सिसी क्यामेराको प्रभावकारिता कायम राख्न छिट्टै विशेष कार्यक्रम ल्याइने बताए।
कार्यक्रममा पोखरा महानगर कृषि महाशाखा प्रमुख मनोहर कडरिया, स्थानीय चण्डीप्रसाद अर्याल, संस्थापक अध्यक्ष एकनारायण ढकालले बोलेका थिए।
त्यस अवसरमा क्यामेरा तथा बत्ती जडान उपसमिति संयोजक नरबहादुर थापा, स्थानीय प्राविधिक चण्डीप्रसाद अर्याल, ऋषिराम शर्मा, गंगादेवी ढकाल र प्राविधिक मातृका पोखरेललाई सम्मान गरिएको थियो।
क्यामेराको सुरक्षार्थ नरबहादुर थापा संयोजक, केशवराज ढकाल तथा चण्डीप्रसाद अर्याल सदस्य रहेको ३ सदस्यीय संरक्षण उपसमिति गठन गरिएको छ। उपसमिति सल्लाहकारमा बैदाम प्रहरी निरीक्षक बुद्धिसागर पुरी, अस्थायी प्रहरी पोष्ट सृजनाचोकका इन्चार्ज यामप्रसाद गौतम, वडा सदस्य लक्ष्मी कौशल छन्।
समाजका अध्यक्ष डम्मरराज सुवेदीको अध्यक्षतामा भएको कार्यक्रम सचिव अपिला बरालले सञ्चालन गरेकी थिइन्।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१