ब्रिगेड ब्वाईज क्लब (बीबीसी) ले चौथो संस्करणको ललित स्मृति कप यू–१८ च्याम्पियनसिप फुटबलको उपाधि जितेको छ। आइतबार भएको फाइनलमा विभागीय टिम नेपाल पुलिस क्लबलाई १–० गोल अन्तरले पराजित गर्दै ब्रिगेड च्याम्पियन बनेको हो।
ललितपुरको एन्फा कम्प्लेक्समा ब्रिगेडलाई जित दिलाउन बृजेश चौधरीले निर्णायक गोल गरे। बृजेशले खेलको २३ औं मिनेटमा गोल गरेका थिए। पृथ्वी चौधरीको प्रहार पुलिसका गोलरक्षक निशान्त खड्काले पन्च गरेपछि आएको रिबाउण्डमा बृजेशले गोल गरेका थिए।
फाइनलमा गोल गरेसँगै बृजेश प्रतियोगिताको सर्वाधिक गोलकर्ता समेत बने। उनले प्रतियोगितामा ८ गोल गरे।
योसँगै ब्रिगेडले लगातार दोस्रो पटक उपाधि जितेको छ। ब्रिगेडले ३ लाख नगद प्राप्त गरेको छ। उपविजेता पुलिसले १ लाख ५० हजारमा चित्त बुझायो।
यसैबीच, बीबीसीका ३ खेलाडीले व्यक्तिगत विधातर्फ उत्कृष्ट खेलाडीको पुरस्कार जितेका छन्। उत्कृष्ट गोलरक्षक आर्मीका विशाल सुनार बने भने उत्कृष्ट डिफेन्डर भने पुलिसका विशाल बस्नेत घोषित भए।
उत्कृष्ट मिडफिल्डर पुरस्कार बीबीसीका शिशिर लेखीले हात पारे भने उत्कृष्ट फरवार्ड पनि बीबीसीकै बृजेश चौधरी घोषित भए। उत्कृष्ट प्रशिक्षक बीबीसीकै सुवित कार्की घोषित भए। व्यक्तिगत विधातर्फ उत्कृष्ट बनेका सबैले जनही १० हजार प्राप्त गरे।
एन्फा पूर्व उपाध्यक्ष ललितकृष्ण श्रेष्ठको स्मृतिमा अखिल नेपाल फुटबल संघ एन्फाले प्रतियोगिता आयोजना गरेको हो। प्रतियोगितामा ए डिभिजनका १४ क्लबले भाग लिएका थिए।
Related News
सम्बन्धित समाचार
वर्ष खेलाडीको चर्चा
पराजुलीलाई उत्कृष्ट खेलकुद पत्रकारिता अवार्ड
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१