बुटवल २७ असार । लामो खडेरीपछि परेको लगातार वर्षाले पश्चिम नेपालको जनजिवन प्रभावित हुन थालेको छ ।
दुईदिन देखिको वर्षाले नदिहरुमा पानीको सतह बढेको छ । विभिन्न सडकखण्डहरु पनि पहिरोले अवरुद्ध बन्न पुगेका छन् । वर्षादको समयमा निकै जोखिम रहने बुटवल–पालपा सडक खण्ड पनि अवरुद्ध हुदै खुल्दै भैरहेको छ । गएराती अवरद्ध भएको सडक विहान खुलेको थियो ।
फेरि विहान पहिरो खसेपछि ३ घण्टापछि पुन सुचारु भएको छ । सडक विभागको डोजर बुटवल र पाल्पा दुवै स्थानमा राखिएको छ । पाल्पाको केराबारी नजिकै विहान गएको पहोरो हटाई अवरुद्ध सडक संचालनमा आएको टाफिक प्रहरी कार्यालय बुटवलले जनाएको छ । यता बुटवलको तिनाउ नदिमा पनि जोखिम बढेको छ । नदि किनारमा रहेका वस्तीहरुमा त्रास वढेको स्थानिय प्रगतीनगर वस्ती विकास समितिका अगुवा धन वहादुर गुरुङले बताए । तिनाउ नदीमा पनि शुक्रबार ठूलो बाढी आएको छ ।
बाढी पूर्वानुमान महाशाखाले तिनाउ नदी बुटवलमा जलसतहले सामान्य सतर्कता तह पार गरेको जनाएको छ । तिनाउ नदीमा जलसतह पार भएकाले सर्तकता अपनाउन तिनाउको तल्लो तटिय क्षेत्रका बासिन्दालाई महाशाखाले आग्रह गरेको छ । बुटवलका मुख्य सडकहरुमा पनि पानी भरिएर यात्रा गर्न समेत समस्या भएको छ । कतिपय उद्योग तथा सरकारी कार्यालयहरुमा पनि पानी भरिएको छ ।
उता लगातार वर्षाको कारण गुल्मीको रुद्रबेणी–वामीटक्सार सडक खण्ड अवरुद्ध बनेको छ । गुल्मीको सत्यती गाउँपालीका अन्र्तगत बादरे पैह्रो, लुम्दिखोला र उल्र्लीखोला स्थीत डहरे खोलामा पहिरो खसेपछि गए रातीदेखि उक्त सडक अवरुद्ध बनेको सत्यवती गाउँपालिकाका अध्यक्ष पारिश्वर ढकालले जानकारी दिनु भएको छ ।
विहिवार पनि डोजर लगायर उक्त अवरुद्ध सडकको पहिरो हटाएपछि सुचारु बनेको सो सडक गए रातीदेखि पुन अवरुद्ध बनेको हो । जिल्लामा सबै भन्दा वढी सवारी साधनहरु संचालन हुने सो सडक अवरुद्ध बनेपछि सयौं यात्रु र सवारी साधनहरु विच वाटोमै अलपत्र परेका छन् । अवरुद्ध सडक सुचारु गर्नका लागि शुक्रवार बिहानैदेखि गाउँपालिकाले डोजर संचालन गरि पहिरो हटाउन शुरु गरेको अध्यक्ष ढकालले बताउनु भयो । वर्षाका कारण गुल्मीका एक दर्जनभन्दा बढी ग्रामिण सडकहरु समेत अवरुद्ध वनेका छन् । सडक अवरुद्ध वनेपछि सवारिसाधनहरु संचालन नहुँदा सदरमुकाम तम्घासमा आउने सेवाग्राहीहरुलाई समेत समस्या भएको छ ।
Related News
सम्बन्धित समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१