पोखरा, ६ चैत । पाँचौँ साफ महिला फुटबल प्रतियोगिता उपाधिका लागि आयोजक नेपाल र डिफेण्डिङ च्याम्पियन भारत फाइनल भिड्ने भएको छ ।
बुधबार भएको पहिलो सेमिफाइनलमा नेपालले श्रीलंकालाई ४–० को फराकिलो गोल अन्तरले पराजित गरी फाइनलमा प्रवेश गरेको हो ।
त्यस्तै, डिफेण्डिङ भारतले गत संस्करणको उपविजेता बंगलादेशलाई समान ४–० को फराकिलो गोल अन्तरले पराजित गर्दै फाइनल पुगेको हो ।
विराटनगरस्थित सहिद रंगशालामा भएको खेलमा पुनम जर्घामगर, अनिता बस्नेत, सावित्रा भण्डारी र रेखा पौडेलले गोल गरेका हुन् । नेपालकी जर्घामगरले खेलको ४२ औँ मिनेटमा पहिलो गोल गरिन भने ७३ औँ मिनेटमा बस्नेतले गोल गर्दै नेपालको अग्रता २–० अगाडि बढाइन् ।
यसैगरी खेलको ८२ औँ मिनेटमा भण्डारीले हेडिङमार्फत् तेस्रो गरेकी थिइन् भने ८६ औँ मिनेटमा पौडेलले गोल गर्दै नेपाललाई ४–० गोल अन्तरले विजयी बनाई टोलीलाई फाइनल यात्राको सुनिश्चित गराइन् ।
पौडेल ६४ औँ मिनेटमा कप्तान निरु थापाको बदलामा मैदानमा प्रवेश गरेकी हुन् । नेपालले शुरुआतदेखि नै आक्रामक खेलेको थियो ।
भारतको जितमा ईन्दुमती, दलिमा र मनिषाको योगदान रह्यो । भारतले खेलको शुरुवाती १८ औं मिनटमै बंगलादेशी गोलरक्षकको गल्तीको फाइदा उठाउँदै दलिमा चिब्बेरले भारतका लागि पहिलो गोल गरिन् । त्यस्तै पहिलो हाफकै २२ र ३७ औं मिनटमा इन्दुमती कथिरेशनले लगातार दुई गोल गर्दै भारतको अग्रता तेब्बर बनाइन् । खेलको इञ्जुरी समयमा मनिषाले चौथो गोल गर्दै भारतीय टोलीको फाइनल यात्रा सुनिश्चित गरिन् ।
यस संस्करणसँगै भारत लगातार पाँचौ पटक महिला साफ च्याम्पियनसिपको फाइनल पुग्न सफल भएको छ । भारतले लगातार चार वटै संस्करणको उपाधि भित्राएको छ । यस संस्करणको उपाधिसमेत आफ्नो पक्षमा पार्ने भारतको दाउमा छ ।
नेपाल भने चौथो पटक फाइनल पुगेको हो । यस पटक नेपाल महिला साफ च्याम्पियनसिपको उपाधि उचाल्ने दाउमा छ । आगामी शुक्रबार, नेपाल र भारतले उपाधिका लागि प्रतिस्पर्धा गर्नेछ ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१