पोखरा, २२ वैशाख। पोखरा लेखनाथ महानगरपालिका वडा १८, लामागाउँमा क्यान्सर सचेतना कार्यक्रम सम्पन्न भएको छ।

नेपाल अर्वुद रोग निवारण संस्था, रोटरी क्लब अफ अन्नपूर्ण र आरसीसी अन्नपूर्ण सराङ्कोटले संयुक्त रुपमा आयोजना गरेको कार्यक्रममा स्थानीय ७६ जना सहभागी थिए।

त्यस अवसरमा क्यान्सर रोगको कारण, अवस्था र निवारण लगायत विषयमा जानकारी दिइएको थियो।

कार्यक्रममा नेपाल अर्वुद रोग निवारण संस्थाका सचिव नारायण पराजुली र प्रथम उपाध्यक्ष प्रेम भुजेलले सहजीकरण गरेका थिए।

कार्यक्रम पोखरा लेखनाथ महानगरपालिका वडा १८ का वडा सदस्य हरि लम्सालका प्रमुख आतिथ्यमा भएको हो।

कार्यक्रममा वडा सदस्य भोजकुमारी थापा, रोटरी क्लब अफ अन्नपूर्णका अध्यक्ष बाबुराम बराल, आरसिसी अन्नपूर्ण सराङ्कोट अध्यक्ष दिलु गुरुङ लगायत बोलेका थिए। नेपाल अर्वुद रोग निवारण संस्था कास्की शाखाका सभापति रामचन्द्र थापाको अध्यक्षतामा भएको कार्यक्रममा आरसिसी अन्नपूर्ण सराङ्कोट उपाध्यक्ष दिनेश श्रेष्ठले स्वागत र रोटरी क्लब अफ अन्नपूर्णका पूर्व अध्यक्ष डिल्लीप्रसाद शर्माले सञ्चालन गरेका थिए।