पोखरा, ५ फागुन । १२ औं सफल पोखरा अन्तर्राष्ट्रिय म्याराथनको आवश्यक तयारी पूरा भएको छ । आयोजक भूपू खेलाडी मञ्च नेपालले पत्रकार सम्मेलन गरी प्रतियोगिता आवश्यक तयारी पूरा भएको जनाएको हो । मञ्चका अनुसार फागुन ७ गते ३ हजारभन्दा बढी पोखरेली ‘रन फर फनका’ लागि दौडने भएका छन् ।
मञ्च अध्यक्ष तेजबहादुर गुरुङले पोखरा म्याराथनमा २५ जना, १० किमी महिलामा २५ जना, १० किमी पुरुषमा ७५ जना, ५ किमि छात्रमा १ सय ८० जना, ५ किमी छात्रामा १ सय जनाले शुक्रबारसम्म नाम दर्ता गराइसकेको जानकारी दिए । प्रतियोगिताका लागि ४ सय मि. हृवीलचेयर पुरुष, १ सय मि. हि्वल चेयर महिला र १ सय मि. दृष्टिविहीन दौडको दर्ता कार्य अझै जारी छ ।
विश्व परिवेशमा चर्चित शहरको नाममा आयोजना गरिने सिटी म्याराथनको अवधारणा अनुरुप नै पोखरालाई पनि खेलकुदका विश्व मानचित्रमा स्थापित गराउनु रहेको बताउँदै अध्यक्ष गुरुङले पोखरालाई खेलकुद मार्फत पर्यटन प्रवर्द्धन गर्न र वर्षको एक दिन यस प्रतियोगितालाई शहरकै उत्सवको रुपमा मनाउन म्याराथन प्रतियोगिताको आयोजना गरिएको स्पष्ट पारे ।
पोखरा लेखनाथ महानगर पालिकाका मेयर मानबहादुर जिसीले प्रतियोगितालाई थप ब्यवस्तित बनाउन योजनाबद्ध तवरले काम थाल्ने बताए । मेयर जिसीले भने-‘महानगरले महत्वका साथ यसका लागि सहयोग गर्नेछ र यसलाई वाषिर्क क्यालेण्डरमा पार्नेछौ ।’
पोखराको प्रतिष्ठित खेलको रुपमा स्थापित पोखरा म्याराथनलाई सुजल डेरी उद्योगको उत्पादन सफल दुधले २ वर्षदेखि मुख्य प्रायोजन गर्दै आएको छ । पोखरा म्याराथनको विशेष सहयोगीमा पोखरा लेखनाथ महानगरपालिका रहेको छ भने सहप्रायोजक एड्भेन्चर स्पोर्ट्स नेपाल प्रालि, गण्डकी विकास बैंक हो । उपप्रायोजकमा लुम्बिनी विकास बैंक र सहारा युके छन् ।
प्रतियोगिताको प्राविधिक सहयोगीमा पश्चिमाञ्चल क्षेत्रीय खेलकुद विकास समिति, कास्की जिल्ला खेलकुद विकास समिति र साइकल सिटी पोखरा र सहयोगी संस्थामा राष्ट्रिय खेलकुद परिषद, ट्रेनर नेपाल, पोखरा टेलिभिजन लगायत संस्थाहरु रहेको आयोजकले जनाएको छ ।
बिहान ठिक ६ बजे शुरु हुने पोखरा म्याराथनमा प्रथम हुनेले ७० हजार, दोश्रोले ४५ हजार र तेश्रोले ३० हजार र चौथोले सान्त्वना स्वरुप ५ हजार प्राप्त गर्ने छन् ।
१० किमी पुरुष-महिला दौडमा प्रथमले १५ दोश्रोले १० हजार र तेश्रो हुनेले ५ हजार नगद प्राप्त गर्ने छन् ।
५ किमी छात्र-छात्रा प्रथमले १० हजार, दोश्रोले ७ र तेश्रो ४ हजार प्राप्त गर्ने मञ्चले जनाएको छ । प्रतियोगितामा ४ सय मि. हृवीलचेयर पुरुष-महिला र १ सय मिटर दृष्टिविहीन दौडमा विजेता प्रथम, दोश्रो र तेश्रोले क्रमशः ५, ३ र २ हजार रुपैयाँ पाउने छन् ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१