पोखरा । आजभन्दा ५० वर्षअघि पोखराका युवाले स्थापना गरेको पोखरा जेसिजले यस वर्ष स्वर्ण जयन्ती मनाउँदैछ । ११ अप्रिल, १९७५ अर्थात् २०३१ चैत ३० मा स्थापना भएको पोखरा जेसिजले स्वर्ण जयन्ती अवसरमा वर्षैभरि विविध कार्यक्रम गरेर मनाउने भएको हो ।
पोखरामा सोमबार पत्रकार सम्मेलनमा स्वर्ण जयन्ती मूल संयोजक सुवास सिग्देलले युवाको नेतृत्व विकाससँगै सामाजिक क्रियाकलापमा पोखरा जेसिज क्रियाशील रहेको बताए । सन् २००५ का अध्यक्षसमेत रहेका उनले वर्षभरि हुने कार्यक्रमको फेहरिस्त सुनाए ।
पहिलो दिन यही ११ अप्रिल (२९ चैत) मा स्वर्ण जयन्तीको उद्घाटन समारोह हुनेछ । पोखरा रानीपौवास्थित जेसिज कार्यालयदेखि सुरु हुने र्याली रञ्जित इभेन्ट्स पुगेर उद्घाटन समारोहमा परिणत हुनेछ । सो अवसरमा संस्थापकहरु तथा पूर्व अध्यक्षहरुलाई सम्मान लगायत कार्यक्रम गरिनेछ । यस्तै, सोही दिन स्वर्ण जयन्ती स्तम्भ र झण्डोत्तलन हुनेछ ।
यस्तै, वर्षभरिमा अनुकूल समयमा जेसिआई नेपाल बिजनेस एकाडेमी, जेसिआई पोखरा एकेडेमी स्थापना, चौतारी निर्माण, प्रदेशस्तरीय वक्तृत्वकला प्रतियोगिता, बृहत्तर पोखरा सरसफाइ अभियान, गाला डिनर, पिएनपी÷सेनेट मिट, मणिज्योति आधारभूत विद्यालय स्तरोन्नति, प्रकाशन, प्रवद्र्धन र सञ्चार लगायतको कार्यक्रम गर्ने तालिका समेटिएको छ । कार्यक्रमका लागि विभिन्न व्यक्तिलाई संयोजक, सल्लाहकार एवं सदस्य चयन गरिएको छ ।
विश्वमा सन् १९१५ अक्टोबर १३ मा गिसेनवियर र अन्य २२ युवा मिलेर वङ मेन्स प्रोगेसिभ सिभिक एसोसिएसन नामको संस्थापना भएको थियो । सोही दिनलाई विविवत् जेसिज संस्था स्थापनाको दिवसको रुपमा मनाइन थालिएको पाइन्छ ।
२०३१ फागुन ३ मा होटल याकमा जम्मा भएका २१ जना युवाको सामाजिक संस्था स्थापना गर्ने सोच अनुरुप केशवलाल श्रेष्ठको अध्यक्षतामा तदर्थ समिति गठन भएको थियो । पोखरा जेसिजको नाम विकलप्रसाद शेरचनले जुराएका थिए । पोखरामा पहिलो पल्ट रक्तदान कार्यक्रमको सुरुआत पोखरा जेसिजले नै गरेको श्रेय छ । सराङकोटमा सूर्यदर्शन टावर निर्माण गरेको जेसिजले पोखरा सभागृह, महेन्द्रपुल निर्माणमा पनि सहयोग गरेको पोखरा जेसिजले जनाएको छ । बेलाबेलामा स्वास्थ्य शिविर, युवालाई नेतृत्व तथा व्यक्तित्व विकासका तालिम, व्यवसाय प्रवद्र्धनका कार्य, जनप्रतिनिधिबीच ककस कार्यक्रम गर्दै आएको जनाएको छ । आजभन्दा ३० वर्षअघि पोखरा जेसिजले मिस पोखरा आयोजना गरेको थियो । यद्यपि उक्त व्युटि पेजेन्ट बेलाबेलामा रोकिन पुगेकोमा यो वर्षदेखि निरन्तरता दिने पोखरा जेसिज वर्ष–२०२४ का अध्यक्ष देवराज शर्माले बताए । पत्रकार सम्मेलनमा मीनाकुमारी थापाले जेसिजको आस्थापाठ वाचन गरेकी थिइन् भने स्वागत कार्यक्रम संयोजक शिव सुवेदी र सञ्चालन महासचिव तिलक लामिछानेले गरे ।
हाल विश्वमा १ सय २० राष्ट्रभन्दा बढीमा जेसिज क्रियाशील छ । जेसिजअन्तर्गत विश्वलाई ४ क्षेत्रमा विभाजित गरिएकोमा क्षेत्र ‘ए’ मा अफ्रिकाका राष्ट्रहरु पर्दछन् । ‘बि’मा एसिया, अष्ट्रेलिया र प्यासिफिक राष्ट्रहरु पर्दछन् । क्षेत्र ‘सि’ मा उत्तरी अमेरिकी राष्ट्र, दक्षिण अमेरिका र मध्य अमेरिकी राष्ट्र तथा ‘डि’ मा यूरोप राष्ट्र पर्दछन् । अन्तर्राष्ट्रिय जेसिज उपाध्यक्षमा पोखराका हरिकृष्ण बास्तोला निर्वाचित भएकोमा पछिल्लो पुस्तामा राजु केसी निर्वाचित भएका थिए । नेपाल जेसिजको नेतृत्वमा पोखराले हालसम्म हरिकृष्ण बास्तोला, विकलप्रसाद शेरचन, राजु केसी र रवीन्द्र गुरुङलाई पाएको छ ।
Related News
सम्बन्धित समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१