पोखरा । पोखरा । गण्डकीको संसदीय राजनीतिक गणितमा जहिल्यै निर्णायक अंक बन्दै आएका सांसद राजीव गुरुङ अर्थात् दीपक मनाङे चौथोपटक मन्त्री बन्ने भएका छन् । आइतबार मात्र प्रदेश सभा सचिवालयमा दल त्यागको निवेदन दिएका मनाङेलाई मुख्यमन्त्री सुरेन्द्रराज पाण्डेले मन्त्री बनाउने भएका छन् ।
उनको सपथका लागि प्रदेश प्रमुखको कार्यालयमा खबर पुगिसकेको छ भने त्यसै अनुसार तयारी थालिएको छ । ३ बजेपछि शपथ हुनेछ । उनलाई कुन मन्त्रालय दिन लागिएको भन्ने बारेमा सार्वजनिक त भएको छैन । तर उनी चौथोपटक मन्त्री बन्न लागेको भने पक्का हो । योसँगै गण्डकीको राजनीतिले रोचक मोड लिने भएको ।
केन्द्रमा सत्ता समीकरण फेरिएसँगै गण्डकीमा समेत नयाँ गठबन्धनले सरकार बनाउने चर्चा चलिरहेका बेला मनाङेको कदमपछि एकाएक नयाँ तरंग सिर्जना भएको हो ।
केन्द्रमा प्रचण्डले गठबन्धन फेरेलगत्तै गण्डकीमा मुख्यमन्त्री पाण्डेले माओवादीका २ मन्त्रीलाई बर्खास्त गरेका थिए । त्यसपछि माओवादीले सरकारलाई दिएको विश्वासको मत फिर्ता लिएसँगै पाण्डे सरकार अल्पमतमा परेको थियो । पाण्डे सरकारले अबको १८ दिनभित्र विश्वासको मत लिइसक्नुपर्छ ।
६० सदस्यीय गण्डकी प्रदेश सभामा कांग्रेसका २७ सांसद छन् । बहुमतका लागि उसलाई थप ४ मत चाहिन्छ । राप्रपाका २ सदस्य र दीपक मनाङेको मत समेत कांग्रेसका लागि अपुग हुन्छ । त्यसका लागि माओवादीको चुनाव चिह्नबाट चुनाव जितेका फडिन्द्र देवकोटा निर्णायक हुन सक्छन् । उनको पार्टी नेपाल समाजवादी रहे पनि सदनमा भने माओवादीकै सांसदका रुपमा दर्ज छन् । पार्टी नेता बाबुराम भट्टराईले अलग्गै दलीय मान्यताका लागि संघीय प्रतिनिधि सभा र निर्वाचन आयोगमा निवेदन दिइसकेका छन् । फडिन्द्रलाई समेत गन्दा माओवादीका सभामुखबाहेक ७ सांसद छन् । नेकपा एमालेका २२ सांसद छन् ।
पृथ्वीसुब्बा गुरुङ नेतृत्वको सरकार गिराएर कृष्णचन्द्र नेपाली पोखरेल नेतृत्वमा सरकार बनाउने अंकगणितमा दीपक मनाङे निर्णायक थिए । त्यतिबेला स्वतन्त्र विजयी मनाङे एमालमा प्रवेश गरेको भनिए पनि संसद सचिवालयमा सूचना दर्ता नगरेकै कारण गुरुङ सरकार चुकेको थियो ।
अहिले पनि स्वतन्त्र निर्वाचित उनी माधव नेपाल नेतृत्वको पार्टीमा आबद्ध भएका थिए । दोस्रो कार्यकालका लागि सरकार गठन हुँदा खगराज अधिकारीलाई मुख्यमन्त्री बनाउन हस्ताक्षर गरेका उनले विश्वासको मत भने दिएनन् । सुरेन्द्रराज पाण्डेको नेतृत्वमा सरकार गठन भएपछि मन्त्रीको आशामा बसेका मनाङेको इच्छा त्यतिबेला पनि पूरा भएन ।
उनै मनाङेले आइतबार गण्डकी प्रदेश सभामा दलीय आबद्धता त्यागेको पत्र दर्ता गरेसँगै गण्डकीको राजनीतिमा नयाँ तरंग सिर्जना भएको हो । सरकार गठनको तयारीमा जुटेको एमालेलाई यो राजनीतिक घटनाले धक्का दिने अनुमान सुरु भएको छ । एमालेको तयारी अनुसार अबको १९ दिनपछि पाण्डे नेतृत्वको सरकारले सदनबाट विश्वास गुमाएपछि नयाँ सरकार गठन हुनेछ ।
माओवादीसँगको गठनबन्धनलाई पक्का बनाउन राप्रपाका २ मत गनेर एमाले बसेको छ । मनाङेको यो कदमले एमालेमा चस्का पसेको छ । उता राप्रपाले पनि कांग्रेसका सुरेन्द्रराज पाण्डेलाई नै विश्वासको मत दिने सम्भावनालाई यसले थप बल पु¥याएको छ ।
बिना कारण र अनयासै केन्द्रमा फेरिइ रहने गठबन्धनका कारण देशमा अस्थिरता मौलाउने भन्दै गण्डकीमा त्यस किसिमको परिस्थिति सिर्जना हुन नदिन आफू सधैं प्रतिवद्ध रहेको मनाङेले उल्लेख गरेका छन् । केन्द्रकै गठबन्धन गण्डकीमा कायम उनले भनेका छन्, ‘रहँदा पनि एमाले माओवादी गठबन्धनलाई बहुमत पु¥याउन सहज अवस्था देखिँदैन । त्यसो हुँदा मौजुदा गण्डकी प्रदेश सभा विघटन हुने र मध्यावधिमा जान सक्ने खतरा देखिन्छ ।’
आफू मध्यावधि चुनाव गरेर देशको ढुकुटी सक्ने कुराको विपक्षमा रहेको र अघिल्लो प्रदेश सभामा पनि विपक्षमै उभिएको उनको तर्क छ । ‘त्यसैले आफू स्वतन्त्र रुपमा मनाङे जनताको मन जितेर निर्वाचित भएको र आजको मितिदेखि नेकपा एकीकृत समाजवादी दलको सांसदको मान्यता र संसदीय अभिलेख सच्याइ स्वतन्त्र सांसदको अभिलेख कायम गरिदिन प्रदेश सभा सचिवलाई निवेदन पेस गर्नुभएको छ,’ उनको सचिवालयले भनेको छ ।
Related News
सम्बन्धित समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१