अन्नपूर्ण । नेपाल राष्ट्रिय शिक्षक संगठन अन्नपूर्ण गाउँपालिकाको पाँचौं गाउँ परिषद् तथा तेस्रो अधिवेशन हरि भण्डारीको अध्यक्षतामा नयाँ कार्यसमिति चयन गर्दै सम्पन्न भएको छ ।
नयाँ कार्यसमितिको खुला उपाध्यक्षमा हरि केसी, महिला उपाध्यक्षमा इन्द्रा गुरुङ र सचिपमा कीर्तिराज ढकाल निर्वाचित भए । यसै गरी कोषाध्यक्षमा कृष्णप्रसाद भण्डारी, सहसचिवमा सुनिता पौडेल, सह कोषाध्यक्षमा सुजनकुमारी अर्याल निर्वाचित भएका छन् । अधिवेशनले कार्यसमिति सदस्यहरू र जिल्ला अधिवेशन प्रतिनिधि समेत निर्वाचित गरेको निर्वाचन मण्डलका संयोजक तीर्थराज ढकालले जानकारी दिए ।
कार्यक्रमको उद्घाटन समारोहमा नेपाल राष्ट्रिय शिक्षक संगठन, गण्डकी प्रदेशका अध्यक्ष रोमहर्षण पौडेलले शिक्षकहरूले आफ्नो पेसामा गर्व गर्दै विद्यार्थीको शैक्षिक गुणस्तर वृद्धि गर्न सके आफ्ना हक र अधिकार माग्न अरू कसैसँग डराउन नपर्ने बताए ।
विशेष अतिथि अन्नपूर्ण गाउँपालिका उपाध्यक्ष चन्द्रकला अधिकारीले सम्बोधन गरेको सो कार्यक्रममा गाउँपालिका शिक्षा, युवा र खेलकुद शाखाका प्रमुख बलराम भुगाइँ, संगठनका गण्डकीका सदस्य उमनाथ गौतम, कास्कीका उपाध्यक्ष हर्कबहादुर लामिछाने, बसन्धरा पौडेल, सचिव तीर्थराज ढकाल, कोषाध्यक्ष यमनाथ सुवेदी, सचिवालय सदस्य दामोदर तिमिल्सिना समेतले भनाइ राखेका थिए ।
सोही कार्यक्रममा लामो समय शिक्षा सेवा गर्दै भर्खरै सेवा निवृत्त शिक्षक महेन्द्रबहादुर कुँवर र संगठनका नवनिर्वाचित गण्डकी प्रदेश अध्यक्ष रोमहर्षण पौडेललाई सम्मान गरिएको थियो ।
परिषद् भेलाले अध्यक्षको सांगठनिक प्रतिवेदन र कोषाध्यक्षको आर्थिक प्रतिवेदन सुझावसहित पारित गरेको छ । नेपाल राष्ट्रिय शिक्षक संगठन, अन्नपूर्ण गाउँपालिका सचिव हरि भण्डारीको सञ्चालन र अध्यक्ष तोरणबहादुर केसीको अध्यक्षतामा कार्यक्रम भएको थियो ।
Related News
सम्बन्धित समाचार
सिद्धार्थ क्लबद्वारा विद्यालय पोसाक तथा स्टेसनरी वितरण
प्रतिभा माविमा वक्तृत्वकला
प्रश्नपत्र निर्माण तथा उत्तरपुस्तिका परीक्षणसम्बन्धी कार्यशाला
पोखरा–१२ का सामुदायिक विद्यालयमा संस्कार शिक्षा
गैंडाकोटको अक्सफोर्ड कलेजका विद्यार्थीलाई बधाई एवं सम्मान
hero news full width
मुख्य समाचार
अधिकारी सरकारको वैधानिकताको टुंगो आज
पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१