पोखरा । नेपाल पत्रकार महासंघका संस्थापक अध्यक्ष सत्यनारायणबहादुर श्रेष्ठ भएको दाबीसहित नेपाल आदिवासी जनजाति पत्रकार महासंघ (फोनिज) ले नेपाल पत्रकार महासंघलाई मंगलबार अल्टिमेटम र स्मरणपत्र बुझाएको छ । महासंघ प्रदेश र जिल्ला शाखाहरुले फोनिजको प्रदेश र सम्बन्धित शाखाहरुले सातदिने अल्टिमेटम र स्मरणपत्र बुझाए ।
फोनिज गण्डकी महासचिव धनबहादुर गुरुङ र कास्की अध्यक्ष दिलप्रसाद गुरुङ नेतृत्व टिमले मंगलबार प्रदेश र जिल्लामार्फत महासंघ केन्द्रलाई पत्र बुझायो । महासंघ गण्डकीतर्फबाट महासचिव गोविन्द सुवेदी र कास्कीतर्फबाट विमला भण्डारीले उक्त पत्र बुझेका हुन् ।
फोनिज लामो समयदेखि नेपाल पत्रकार महासंघको गलत इतिहास सच्याउन संघर्षरत छ । तथ्य र प्रमाणका आधारमा नेपाल पत्रकार महासंघ (तत्कालीन नेपाल पत्रकार संघ) का संस्थापक अध्यक्ष सत्यनारायणबहादुर श्रेष्ठलाई महासंघको संस्थापक अध्यक्ष कायम गर्न २०७९ सालमा नेपाल पत्रकार महासंघका सबै समितिमार्फत माग गरिएको थियो । त्यसैको स्मरण गर्दै फोनिजले पुनः स्मरणपत्र बुझाएको हो ।
२००८ बैशाख ९ मा श्रेष्ठको नेतृत्वमा नेपाल पत्रकार संघ गठन गरेको र २००९ बैशाख २८ मा पुनर्गठन गरेको इतिहास रहेको स्मरणपत्रमा उल्लेख गरिएको छ । त्यसपछि, २०१२ चैत १६ गते पुनर्गठन हुँदा कृष्णप्रसाद भट्टराई सभापति बनेको पनि पत्रमा छ । तथ्यहरुले सत्यनारायणबहादुर श्रेष्ठ संस्थापक सभापति पुष्टि भैसकेको अवस्थामा कृष्णप्रसाद भट्टराईलाई संस्थापक अध्यक्ष भनेर भट्टराईको अपमान गरेको स्मरणपत्रमा उल्लेख छ ।
सर्वमान्य इतिहास स्वीकार्न नेपाल पत्रकार महासंघ तयार नभएका कारण गलत इतिहासलाई प्रश्रय दिने महासंघको नीतिविरुद्ध फोनिज निर्णायक आन्दोलनको चरणमा पुगेको हो । अल्टिमेटममा ७ दिनभित्र सत्यनारायणबहादुर श्रेष्ठलाई नेपाल पत्रकार महासंघको संस्थापक अध्यक्ष कायम गर्न माग गरिएको छ । माग पूरा नभए महासंघका केन्द्रसहित देशैभरका कार्यालयहरुमा अनिश्चितकालीन तालाबन्दी गरिने चेतावनी दिइएको छ ।
महासंघ गण्डकी महासचिव सुवेदीले फोनिजको माग सहितको अल्टिमेटम र स्मरणपत्र तत्काल केन्द्रमा पठाउने बताए । सत्य लुकाएर लुक्न नसक्ने उनको भनाइ थियो । केन्द्रले अझै गहन अनुसन्धान गरेर यसबारे निर्णय गरेपछि सोही अनुसार अघि बढ्ने उनले प्रतिवद्धता जनाए ।
पत्रकार महासंघ कास्की अध्यक्ष भण्डारीले फोनिजको मागसहितको ज्ञापनपत्र तत्काल केन्द्रमा पठाउने बताइन् । पत्रकारबीचको सद्भाव खलल हुन नदिन आफ्नोतर्फबाट प्रयास रहने उनले सुनाइन् ।
Related News
सम्बन्धित समाचार
लक्ष्मीनारायण टोल विकासको सभा
दानबहादुरसहित ४ एसएसपीलाई डिआइजीमा बढुवा सिफारिस
प्रतिभामा बोल्ने कलासम्बन्धी तालिम
विवाद समाधानमा न्यायिक समिति सक्रिय
वैदेशिक रोजगार शाखा संरक्षण संघको रक्तदान
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१