लमजुङ । ३१ औं त्रिवेणी कपमा ठाडाराई अधिकारी समाज, नेपाल पुलिस क्लब र बेंशीसहर युथ सोसाइटी विजयी हुँदै दोस्रो चरणमा प्रवेश गरेका छन् ।
सोमबार ठाडाराई अधिकारी समाज र पेन्गुइन एजुकेशन भरतपुर–२४, चितवनबीचको पहिलो खेलमा ठाडाराई अधिकारी समाज ३–१ गोलअन्तरले विजयी भएको हो । जितमा सुनिल गोलेले २ गोलको योगदान दिए । अनिल चौधरीले १ गोल गरे । पेन्गुइनतर्फबाट दोस्रो हाफको पहिलो मिनेटमै मनीष गिरीले सान्त्वना गोल फर्काए ।
दोस्रो खेलमा विभागीय पुलिस क्लब विजयी भयो । चामे युवा क्बल मनाङलाई १–० गोलअन्तर हराउँदै विजयी भएको हो । तेस्रो खेल बेसीशहर युथ सोसाइटी र बेसीशहर नगरपालिका टिमबीच भएकोमा ६–१ को फराकिलो गोलअन्तरले बेंशीसहर युथ सोसाइटी विजयी भएको हो । प्रत्येक दिन ३ खेल हुने गरेका छन् ।
जिल्ला सदरमुकाम बेंशिसहरको सहजी खेलमैदान त्रिवेणी रंगशालामा सञ्चालित त्रिवेणी कप राष्ट्रव्यापी खुला फुटबल प्रतियोगिताको ३१ औं संस्करण हो । पछिल्ला २ वर्षमा लगातार आयोजकले उपाधि जितेकोमा ऊ पहिलो चरणमै पाखा लागेको छ । २१ टिमले भाग लिएको प्रतियोगितामा विजेताले ८ लाख प्राप्त गर्ने छ ।
आयोजक समिति अध्यक्ष राजकुमार घिमिरेका अनुसार यो प्रतियोगिता गण्डकी प्रदेशमा हुने फुटबल प्रतियोगितामा सर्वाधिक दोस्रो ठूलो पुरस्कार राशिको हो । पोखराको सहारा क्लबले सर्वाधिक राशिको फुटबल खेलाउँछ । त्रिवेणी कपमा उपविजेताले ४ लाख पाउने छ । सेमिफाइनलसम्म पुग्ने २ टिमलाई १÷१ लाख रुपैयाँ मेडल र र प्रमाणपत्र प्रदान गरिने छ । विगतको पुरस्कार राशि तुलनामा यो वर्ष ३ लाख थप गरी विजेतालाई ८ लाख दिन लागिएको हो । सर्वोकृष्ट खेलाडी र सर्वाधिक गोलकर्तालाई नगद २० हजार रुपैयाँ र प्रमाणपत्र दिइने छ ।
प्रतियोगितामा काठमाडौं, काभ्रे, चितवन, नवलपरासी, तनहुँ, कास्की तथा लमजुङका विभिन्न २१ टिमले भाग लिएका छ्न । प्रतियोगिता उद्घाटन गण्डकी प्रदेशका सभा सदस्य एवं आयोजक क्लबका पूर्व अध्यक्ष भेषबहादुर पौडेलले गरेका थिए ।
लमजुङमा हरेक वर्ष पुसको दोस्रो सातामा आयोजना हुने त्रिवेणी कप निकै महत्वको मानिन्छ । फाइनल २१ पुसमा हुनेछ ।
Related News
सम्बन्धित समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१