पोखरा । नेपाल विद्यार्थी संघ कास्कीले ११० औं विपी जयन्तीको अवसरमा आयोजना गरेको रक्तदानमा ५२ युनिट रगत संकलन भएको छ । नेविसंघ कास्कीका अध्यक्ष राजीव भण्डारीको अध्यक्षतामा भएको रक्तदान नेपाली कांग्रेसका नेता तथा पूर्व मन्त्री यज्ञबहादुर थापाले बिपीवादको सिद्धान्त सबै पार्टीले अवलम्बन गरेको बताए ।

कार्यक्रममा नेका क्षेत्रीय सभापति राजेन्द्रमणि लामिछाने, नेपाली कांग्रेस कास्की जिल्ला उपसभापति रामबाबु भण्डारी, नेपाल उद्योग वाणिज्य महासंघका केन्द्रीय सदस्य बाबुराम गिरी, नेविसंघ केन्द्रीय सदस्य भुवन भट्ट, धर्मराज शाही, नसिब गुरुङ, निर्दाेष विक्रम पौडेललगायतले बोलेका थिए ।

नेविसंघ कास्कीका सभापति राजीव भण्डारीको अध्यक्षतामा भएको कार्यक्रमको सञ्चालन भावना पौडेलले गरेकी थिइन् ।