लेखनाथ । श्रीकृष्ण जन्माष्टमी अवसरमा राधाकृष्ण सांस्कृतिक समूहद्वारा आठौं श्रीकृष्णजन्माष्टमी महोत्सव एवं खुला भजन चुड्का तथा झाँकी प्रदर्शनीमा देवीस्थान भजन समूह हेमजा प्रथम भएको छ ।
पोखरा–३२, लामेआहलस्थित मन्दिर परिसरमा आयोजित प्रतियोगितामा मातृकेश्वर भजन समूह हेमजा द्वितीय भयो । धर्मोदय भजन समूह पाल्पा तृतीय र पञ्चासे भजन समूह ठुलाचौर पोखरा सान्त्वना भए । प्रथम, द्वितीय, तृतीय र सान्त्वनाले क्रमशः ४५ हजार, द्वितीयले ३५ हजार, तृतीयले २५ हजार र सान्त्वनाले १५ हजार रुपैयाँ नगदसहित पुरस्कृत भए । प्रतियोगितामा २६ टिमले भाग लिएका थिए ।
राधाकृष्ण सांस्कृतिक समूह अध्यक्ष सञ्जयराज ढकालले कार्यक्रम अवसरमा नेवार, गुरुङ, मगर र गन्धर्व समुदायका कलाकारले जातजातिका संस्कृति झल्ने प्रस्तुति देखाएको बताए ।
प्रतियोगिता उद्घाटन गर्दै गण्डकी प्रज्ञा प्रतिष्ठानका कुलपति सूर्यबहादुर खड्का बिखर्चीले कला संस्कृति जगेर्नाका लागि प्रतिष्ठानले सहयोग गर्ने प्रतिबद्धता व्यक्त गरे । उनले धर्मकर्म संस्कृति हराइरहेका बेला समूहले मौलिकतायुक्त प्राचीन संस्कृतिको जगेर्ना गरेको आंैल्याउँदै लोकसंस्कृति, धर्म परम्परा जोगाउन हामी सबैको दायित्व भएको बताए ।
रुपा गाउँपालिका उपाध्यक्ष लालसुब्बा गुरुङले धर्म संस्कृति हाम्रा सम्पत्ति भएको संरक्षणमा जोड दिइन् ।
कार्यक्रममा लेखनाथ उद्योग वाणिज्य संघका पूर्व अध्यक्ष बाबुराम गिरी, वडा ३३ का वडाध्यक्ष रामचन्द्र अधिकारी, वडा ३२ का वडा सदस्य तीर्थबहादुर सुयाल, राधाकृष्ण मन्दिरका अध्यक्ष गणेश खत्री लगायतले धर्म र संस्कृतिका बारेमा बोलेका थिए ।
सहभागी प्रत्येक समूहलाई यातायात खर्चस्वरुप ५/५ हजार रुपैयाँ उपलब्ध गराइएको समूहका सचिव पुष्पराज शर्मा पौडेलले बताए । निर्णायक संयोजकमा भुलाप्रसाद भण्डारीको टिम थियो । कार्यक्रम सञ्चालन संस्थाका सहसचिव भरत थापा र सदस्य विनोद भण्डारीले गरेका थिए ।
Related News
सम्बन्धित समाचार
बुद्ध जयन्तीको अवसरमा धार्मिक प्रवचन हुने
पोखरामा बुद्ध जयन्तीको सप्ताहव्यापी कार्यक्रम
भूकम्पले क्षति पुर्याएको अर्लाङ्दी मन्दिर जीर्णोद्धार
विश्व हिन्दु महासंघ गण्डकीमा मुक्तिराम
पोखरामा श्रीमद्भागवत् महायज्ञ सुरु
hero news full width
मुख्य समाचार
पोखरा सिँगार्न दिनहुँ श्रमदानमा खटिन्छन् सीताराम
मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१पर्वत र बागलुङका सिडिओ फेरिए
जेठ ४, २०८१जनप्रिय क्याम्पस प्रमुखमा रमेशबहादुर खड्का
जेठ ४, २०८१