पोखरा । ब्रह्माकुमारी ईश्वरीय विश्वविद्यालयले संस्थामा समर्पित भई ५० वर्षभन्दा बढी सेवा पुर्याएकी राजयोगिनी ब्रह्माकुमारी दुर्गामाताजी (चुनिमाया बराल) लाई उनको ८४ औं शुभ जन्मोत्सवको अवसरमा स्वर्ण सम्मान प्रदान गरेको छ ।
पोखरा ११, फुलबारीमा निर्माणाधीन शान्ति अनुभूति केन्द्रमा आयोजित समारोहमा सांस्कृतिक कार्यक्रमसहित सम्मान गरिएको हो ।
कार्यक्रममा गण्डकी प्रदेशका पर्यटन, उद्योग वन तथा वातावरण मन्त्री दीपेन्द्रबहादुर थापाले मानवताप्रति समर्पित जीवन नै सार्थक जीवन हो भने । मानिसको जीवन कर्कलाको पानी जस्तै भएको उल्लेख गर्दै उनले भने, ‘जति बाँचिन्छ सबैको उद्धार गर्न सकौं । सत्कर्मले नै हामी बाँच्दछौं ।’
पोखरा महानगरपालिकाका प्रमुख धनराज आचार्यले आफ्नो जीवन कस्तो बनाउने भन्ने हाम्रो आफ्नै हातमा रहेको छ भन्दै समाजमा सकारात्मक सन्देश दिनुपर्नेमा जोड दिए । उनले दिव्यशान्ति अनुभूति केन्द्र भवनले चाँडै नै पूर्णता पाउने विश्वास व्यक्त गरे ।
ब्रह्माकुमारी ईश्वरीय विश्वविद्यालयका वरिष्ठ निर्देशक राजयोगिनी ब्रम्हाकुमारी सुरेन्द्रले दीर्घायुको शुभआशीर्वाद दिंदै संस्थामा दुर्गा माताजीको अतुलनीय योगदान रहेको बताइन् ।
संस्थाकी उपनिर्देशक तथा नेपालगञ्ज शाखाकी प्रमुख सञ्चालक राजयोगिनी ब्रम्हाकुमारी दुर्गादेवीले सपरिवार ईश्वरीय सेवामा लगाउने दुर्गामाताजी उदाहरणीय प्रेरणाकी स्रोत भएको उल्लेख गरिन् ।
सम्मानित राजयोगिनी दुर्गामाताले ईश्वरीय सेवामा समर्पित हुन पाउँदा खुसी मिलेको बताइन् ।
ब्रह्माकुमारी ईश्वरीय विश्वविद्यालय पश्चिम नेपालकी निर्देशक राजयोगिनी परिणीताको अध्यक्षतामा भएको कार्यक्रममा सहनिर्देशक राजयोगिनी कमला (बुटवल), बनारस क्षेत्रका प्रबन्धक राजयोगी दीपेन्द्र अधिकारी लगायतले शुभकामना व्यक्त गरेका थिए । कार्यक्रममा संस्थाका महासचिव शैलेषराज बरालले स्वागत तथा नयाँबजार शाखाकी सञ्चालिका राजयोगिनी शोभाले स्वागत मन्तव्य राखेकी थिइन् ।
Related News
सम्बन्धित समाचार
भूकम्पले क्षति पुर्याएको अर्लाङ्दी मन्दिर जीर्णोद्धार
विश्व हिन्दु महासंघ गण्डकीमा मुक्तिराम
पोखरामा श्रीमद्भागवत् महायज्ञ सुरु
नयाँबजारमा भोलिदेखि श्रीमद्भागवत् ज्ञान महायज्ञ
तोरन्लमा रमाउँदै थकाली समुदाय
hero news full width
मुख्य समाचार
मुस्ताङको लोमान्थाङमा वैकल्पिक सडक निर्माण
सूर्यदर्शन सहकारीको अनुसन्धान प्रतिवेदन बुझाइयो
वैशाख २७, २०८१पूर्वन्यायाधीशको निधनपछि गण्डकी सरकार विरुद्धको रिटसहित सर्वोच्चका सबै सुनुवाइ स्थगित
वैशाख २७, २०८१आगलागीले सुन्तलाको बगैंचा सखाप
वैशाख २७, २०८१पोखराका घरको नक्सापास अब अनलाइनबाटै, युएनडिपीको सहयोग
वैशाख २६, २०८१कसको हातमा पर्ला वर्ष खेलाडीको उपाधि ?
वैशाख २६, २०८१