पोखरा । जनप्रिय माविका विद्यार्थीसँग पोखरा महानगर न्यायिक समितिले अन्तक्र्रिया तथा प्रशिक्षण कार्यक्रम गरेको छ । गण्डकी प्रेस क्लबको समन्वयमा महानगरले विद्यार्थीसँग न्यायिक अन्तक्र्रिया तथा प्रशिक्षण गरेको हो ।

पोखराकी उपमेयर मञ्जुदेवी गुरुङले विद्यार्थीलाई न्यायिक समितिको औचित्यबारे जानकारी लिइसकेपछि परिवारका सदस्यलाई यसको महत्वबारे सुझाउन आग्रह गरिन् । कानुन सबैले जान्नुपर्ने विषय भएकाले विद्यार्थीहरूका लागि महत्वपूर्ण हुने उनले बताइन् ।

गण्डकी प्रेस क्लबका अध्यक्ष एकराज गिरीले नयाँ विषयवस्तु भएकाले सबैले बुझ्न आवश्यक रहेको बताए । विद्यालय व्यवस्थापन समितिका अध्यक्ष परशुराम बराल र प्रधानाध्यापक देवीप्रसाद बस्ताकोटीले विद्यार्थीलाई न्यायसम्बन्धी अन्तक्र्रिया कार्यक्रम लिएर आएकोमा खुसी व्यक्त गरे ।

पोखरा महानगर न्यायिक समिति सदस्य कालीदास पोखरेल, भावना श्रेष्ठ, राममणि अधिकारी अभिलेख संरक्षक, मेलमिलाप सहजकर्ता सोम लम्सालले विद्यार्थीसँग प्रशिक्षण र अन्तक्र्रिया गरेका थिए ।