पोखरा । पोखरा–९ नयाँबजारमा रहेको सगरमाथा माध्यमिक विद्यालयमा कक्षा १२ का विद्यार्थीलाई बिदाइ गरिएको छ । कक्षा ११का विद्यार्थीले कार्यक्रम आयोजना गरेका हुन् ।
पोखरा स्वास्थ्य विज्ञान प्रतिष्ठानका उपकुलपति डुकबहादुर क्षेत्रीले विद्यार्थीहरूले सकारात्मक कुरालाई आत्मसात् गर्न सके जीवन सार्थक हुनेमा जोड दिए । विद्यार्थीले सफलता पाउनका लागि लक्ष्य निर्धारण गरेर पढ्नुपर्ने र यसका लागि सोहीअनुसारको मेहनत आवश्यक हुने उल्लेख गरे ।
विद्यार्थीहरूले उच्च शिक्षासँगै समाजमा रहेका विकृति विसंगति अन्त्यका लागि सक्रिय हुनुपर्ने साथै समाज र राष्ट्रको विकासमा विद्यार्थीहरू लाग्नुपर्ने बताउँदै उनले उच्च शिक्षाको लागि शुभकामना दिए ।
विद्यालयका प्रधानाध्यापक धनबहादुर थापाले विद्यार्थी सफल हुनुमा विद्यार्थीको मात्र नभई विद्यालय र अभिभावकको पनि भूमिका रहने बताए । शिक्षक तथा अभिभावकले विद्यार्थीको पढाइसँगै अन्य क्रियाकलापलाई पनि नियमित अवलोकन गर्नुपर्ने भनाइ राखे । शिक्षासँगै प्राप्त गरेको सिपलाई व्यवहारमा उतार्न सके आत्मनिर्भर बन्न सकिने प्रधानाध्यापक थापाले बताए ।
यसैबीच अतिरिक्त क्रियाकलापमा उत्कृष्ट विद्यार्थीलाई पुरस्कार प्रदान गरियो । सरकारी सेवामा लोकसेवामार्फत् विभिन्न क्षेत्रका लागि छनोट भएका ८ जना र डाक्टरको प्रमाणपत्र प्राप्त गर्न सफल १८ जना भूतपूर्व विद्यार्थीलाई पनि सम्मान गरिएको थियो । शिक्षक दिलीपकुमार शर्माले स्वागत गरे भने कार्यक्रम सञ्चालन विद्यार्थीले गरेका थिए ।
अन्तर्राष्ट्रिय बिजनेस ओलम्पियाडमा स्वर्णपदक प्राप्त गर्न सफल १ र रजत पदक प्राप्त गर्न सफल २ विद्यार्थी पनि सम्मानित भए ।
कार्यक्रमका अवसरमा विद्यार्थीहरुले नाचगान र सांस्कृतिक कार्यक्रम प्रस्तुत गरेका थिए । सो विद्यालयमा कक्षा ११ र १२ मा विज्ञान र व्यवस्थापन विषयको पढाइ हुँदै आएको छ ।
व्यवस्थापन समितिका अध्यक्ष हरिप्रसाद त्रिपाठीको अध्यक्षतामा भएको कार्यक्रममा शिक्षक दिलीपकुमार शर्माले स्वागत गरेका थिए ।
Related News
सम्बन्धित समाचार
मनिपालमा अत्याधुनिक एमआरआई मेसिन
कास्कीमा एसइई उत्तरपुस्तिका परीक्षण रोकियो
स्याङ्जा जिल्लाकै पहिलो विद्यालयको ७१ औं वार्षिकोत्सव
माछापुच्छ्रे माविलाई बस सहयोग
राष्ट्रिय माविमा पूर्व विद्यार्थीको सम्मान
hero news full width
मुख्य समाचार
त्रासैत्रासमा तंग्रिदै कागबेनी
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१