पोखरा । नेपाली र मगर भाषामा निर्मित कथानक चलचित्र ‘उखान’ आगामी चैतमा पोखरामा प्रदर्शन हुने भएको छ ।

फिल्म युनिटले शुक्रबार पत्रकार सम्मेलन गर्दै फिल्म २५ चैतमा पोखरा १० स्थित भमरकोट पार्टी प्यालेसमा प्रदर्शन गरिने जनाएको हो । त्यसअघि १८ चैतमा काठमाडौंमा प्रदर्शन हुनेछ ।
निर्माता मेकबहादुर आलेले हराउँदै गएको मगर समुदायको भाषा र संस्कृतिलाई समेटेर फिल्म बनाएको बताए । उनले चलचित्र प्रदर्शनबाट आएको रकम सामाजिक सेवामा खर्च गर्ने समेत जानकारी गराए ।

निर्देशक प्रकाशकुमार दर्लामीले मगर समुदायमा हराउँदै गएको भाषा र संस्कृतिबाट नै चलचित्रको सुरुवात भएको बताए । चलचित्रमा कलाकार खड्गबहादुर पुन (खबपु), प्रकाशकुमार दर्लामी, रीमा काउचा मगर, काजिमान पुलामी, धनमाया सोति मगर, हेमा पुन मगर, बलविक्रम थापा, सावित्री रानामगर, मेक आले, शंकर सुनुवार, दीपक योगी, लक्ष्मी श्रेष्ठ र बाल कलाकारमा नम्रता पुन मगरको मुख्य अभिनय छ ।

एक्सन फिल्मसको ब्यानरमा निर्मित चलचित्रको सहनिर्देशक न्युसन दर्लामी मगर, टेकबहादुर अस्तानी र देवकुमार दर्लामी छतन् । दीपक परियार र प्रकाशकुमार दर्लामीको संगीत छ ।