पोखरा । पोखरामा आइतबार अरुणा लामा–तारादेवी स्मृति साँझ भएको छ । स्वरसाम्राज्ञी अरुणा लामाको स्मृति दिवस पारेर पोखरेली महिला कलाकारको साझा संस्था हार्मोनी र एभरेस्ट एफएमको संयुक्त आयोजनामा सो साँझ भएको हो ।
स्वरसाम्राज्ञी अरुणा लामा र कालजयी स्वरकी धनी तारादेवीमा समर्पित साँझ रजनी ऋदम राईको ‘यो मन त तलाउ हो ढुंगा नफ्याँक’ गीतसहित शुभारम्भ भएको थियो । त्यस्तै, अर्की कलाकार उषा गुरुङले ‘कालीपारे दाइ’ बोलको गीत गाइन् । रामभक्त जोजिजु र ईतु जोजिजुले स्वरसम्राट नारायण गोपाल र अरुणा लामाले गाएको ‘जीवनका हरेक मोडहरुमा’ गीत संयुक्त गाए शीतल थापाले ‘फूलको थुंगा बहेर गयो’ पस्किन् । लक्ष्मी गिरीले ‘घाममा पनि माया लागेको छ’ गीत गाउँदा गम्भीर बनेको माहोल कलाकार देवीमाया गुरुङ र मीलन गुरुङले ‘ए कान्छा ठट्टैमा यो बैंस जान लाग्यो’ गीत गाउँदा दर्शकको साथ पायो । ‘तिमीलाई हाँसेर बिदामात्र दिइसकेथें’ बोलको गीत अजुदा थापाले र ईतु जोजिजुले ‘पोहोर साल खुसी फाट्दा’ गाउँदा प्रिया गुरुङले ‘सबैले भन्थे’ बोलको गीत प्रस्तुत गरिन् ।
पिंगला भट्टले ‘फूललाई सोंधे कहाँ गयो कता गयो’ र कौशल्या गुरुङ र मिलन गुरुङले ‘ए कान्छा मलाई तारा खसाई देउन’ गाउँदा कुटी रिसोर्टको हल आल्हादित बनेको थियो ।
तारादेवीको ‘उकाली ओरालीहरुमा’ बोलको गीत पहिलोपटक मेल भर्सनमा रामभक्त जोजिजुले पस्किए । सानु जोजिजुले भायोलिन सुरमा ‘यति धेरै माया दिई’ गाउँदा शीतल थापाले ‘भेटिनु छुटिनु त संसारकै रीत हो’ गाउँदै कार्यक्रमको बिट मारिन् ।
एभरेस्ट एफएमका प्रबन्ध निर्देशक दीपेन्द्र श्रेष्ठले स्मृति साँझको औचित्य र आवश्यकताबारे प्रष्ट पारे । गण्डकी प्रदेशका मुख्यमन्त्री खगराज अधिकारी लगायत संगीतप्रेमीको उपस्थित रहेको कार्यक्रममा साहित्यकार एवं फिल्म निर्देशक प्रकाश सायमीले अरुणा र तारादेवीको जीवनी पस्केका थिए । सिटिजन फर्निचर ट्रेड लिंकको प्रस्तुतिमा भएको कार्यक्रम आगामी वर्ष पनि निरन्तरता दिइने आयोजकले जनायो ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१