स्याङ्जा ७ माघ । प्रथम वालिङ गोल्ड कप राष्ट्रिय फुटबल प्रतियोगिताको उपाधि आयोजकको नीलो टिमले जितेको छ ।
शनिबार फाइनलमा एभिनिर फुटबल क्लब क्यामरुनलाई टाइब्रेकरमा ४–३ ले पराजित गर्दै आयोजकले उपाधि जितेको हो । निर्धारित समयको खेल गोलरहित बराबरीमा टुंगिएको थियो । ३० पुसदेखि सुरु जिल्लाकैे ठूलो धनराशि भएको सो प्रतियोगितामा विजेताले ५ लाख र उपविजेताले २ लाख ५० हजार नगदसहित ट्रफी, मेडल र प्रमाणपत्र प्राप्त गरेका छन् ।
निर्धारित समयमा कुनै गोल हुन नसकेपछि खेल ट्राइब्रेकर मार्फत टुंगो लगाइएको हो । क्याप्टेन लक्ष्मण रुचालको प्रहार बाहिरिए पनि सुवास गुरुङ, विश्वास श्रेष्ठ, टीकराज गुरुङ र विशु थापाले गोल गर्न सफल हुँदा उपाधिका लागि पर्याप्त भयो । उता, एभिनिरका लागि एमबोमी जीन, एनगुइम्स स्टेफने र विले फ्राङ्कले मात्र गोल गर्न सफल भए । गुइनी म्यारी डेनिल र एव्डव रमानीको प्रहार गोलकिपर राजाबाबुले उत्कृष्ट बचाए ।
वालिङ नगर प्रमुख कृष्ण खाँणले पुरस्कार वितरण गर्दै खेलले मनोरञ्जनका साथै मुलुकका लागि सक्षम र दक्ष नागरिक उत्पादनमा भूमिका खेल्ने बताए । उनले विभिन्न संघ संस्था र व्यक्तिहरुको जग्गालाई अस्थायी रुपमा समेटेर खेलमैदानको स्तरोन्नति गरेको उल्लेख गर्दै आगामी ५ वर्षसम्म वालिङ खेलमैदानलाई रंगशालाको रुपमा विकास गरिने प्रतिवद्धता समेत व्यक्त गरे ।
सो अवसरमा विभिन्न विधामा सहभागी टीम तथा खेलाडीहरु समेत पुरस्कृत भएका छन् । लिस्नु फुटबल क्लब रुपन्देही अनुशासित टिमबाट पुरस्कृत भयो ।
सर्वात्कृष्ट खेलाडी आयोजक नीलोका विश्वास श्रेष्ठ घोषित हुँदासर्वाधिक गोलकर्ता अफ्रिकन खेलाडी टिम्बा बने । नवप्रतिभा युवा खेलाडी आयोजक रातोका रुपेश हमाल, उत्कृष्ट डिफेन्डर आयोजककै आशीष गुरुङ र उत्कृष्ट मिड फिल्डकर कमल थापा घोषित भए । उत्कृष्ट कोच दिलीप थापा र फरवार्डमा टीकाराज गुरुङ पुरस्कृत भए ।
वालिङ गोल्ड कपमा आयोजकबाट २ सहित नेपाल आर्मी, एपिएफ, लिस्नु फुटबल क्लब कोटिहवा रुपन्देही, सहारा फुटबल क्लब, एभिनिर फुटबल क्लब क्यामरुन र भरतपुर फुटबल क्लब गरी ८ टिमले भाग लिएका थिए ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१