पोखरा । कास्कीमा खाद्य स्वच्छता र असल पशुपालन अभ्यासको भूमिकाबारे अन्तक्र्रिया भएको छ । नेपाल लाइभस्टक सेक्टर इनोभेसन आयोजना र खाद्य प्रविधि तथा गुण नियन्त्रण कार्यालय पोखराको आयोजनामा कार्यक्रम भएको हो ।
कार्यक्रममा खाद्य स्वच्छतासँगै पशुपालनबारे प्रस्तुतीकरण राखिएको थियो । खाद्य प्रविधि तथा गुण नियन्त्रण कार्यालय पोखराका प्रमुख शिवजी बरालले खाद्य ऐन, खाद्य स्वच्छता, खाद्य लेबलबारे प्रस्तुति राखेका थिए । उनले आफ्नो कार्य क्षेत्र र अनुगमनका बारेमा जानकारी दिएका थिए । सरकारले पछिल्लो समय १ सय ३७ खाद्यवस्तुको गुणस्तर तोकेको छ । त्यसमा दूध र मासुजन्य पदार्थ पनि पर्ने हुँदा यसको गुणस्तरमा ध्यान नदिए हुने दण्ड, सजायँ, जरिवाना र क्षतिपूर्तिका बारेमा जानकारी दिएका थिए ।
यस्तै, नेपाल लाइभस्टक सेक्टर इनोभेसन आयोजना पोखरा इकाइका प्रमुख डा. रेशमराज ज्ञवालीले पशुजन्य खाद्यपदार्थ र दूध र मासुको स्वच्छताका लागि असल पशुपालनसम्बन्धमा प्रस्तुति राखेका थिए । गोठदेखि ओठसम्म खाद्य स्वच्छताको मौलिक हकमा सबैले ध्यान दिनुपर्ने उनको भनाइ थियो । उनले दूध र मासुजन्य पदार्थको विशेषता, फाइदा र बिग्रेमा यसले पार्ने असरका बारेमा सहभागीहरुलाई जानकारी गराएका थिए । दूध र मासुजन्य पदार्थको संकलन, ढुवानी, चिस्याउने र प्रशोधनमा ध्यान दिएमा असल पशुपालनको नमूना बन्ने उनले बताए ।
कार्यक्रममा भूमि व्यवस्था, कृषि, सहकारी तथा गरिबी निवारण मन्त्रालयका सचिव सहदेवप्रसाद हुमागाईंले अन्तक्र्रियाले खाद्य सुरक्षाको अधिकार सुनिश्चित गर्न सघाउने बताए । कृषिमा नीतिगत र प्राविधिक समस्या रहेको जानकारी गराउँदै सुधार्दै जानुपर्ने बताए । अन्तत्र्रिmयाको सारांश मन्त्रालयमा बुझाउन उनको आग्रह थियो । जसले गर्दा आगामी कार्यक्रम बनाउन सहयोग पुग्ने उनले बताए ।
उपभोक्ता मञ्च गण्डकी कोषाध्यक्ष मीना रानाभाटले उत्पादकमा इमानदारिता र उपभोक्तामा सचेतना भएमा खाद्य अधिकार सुरक्षित हुने बताइन् । यसका लागि उपभोक्ता मञ्च सहकार्य गर्न प्रतिबद्ध रहेको उनको भनाइ थियो ।
नेपाल लाइभस्टक सेक्टर इनोभेसन आयोजनाका वरिष्ठ अनुगमन तथा खाद्य अनुसन्धान अधिकृत प्रवेश शर्माले उत्पादित वस्तुको बजारीकरण र गुणस्तरीय उत्पादनमा जोड दिन कार्यक्रम आयोजना गरिएको बताए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१