पोखरा । नागरिक सरोकारका विविध विषय सम्बोधन गर्न माग गर्दै नागरिक समाज कास्कीले सोमबार पोखरा महानगरपालिकाका प्रमुख धनराज आचार्यलाई ज्ञापनपत्र बुझाएको छ ।
नागरिक समाजले मिर्गौलापीडित, दीर्घरोगीका लागि सहजरुपमा पहुँच हुने गरी निशुल्क डायलसिस सेवाको व्यवस्था गर्नुपर्ने माग प्राथमिकताका साथ उठाएको छ ।
यस्तै, राजपत्रमा उल्लेख भएबमोजिम फेवातालको चारकिल्ला निर्धारण हुने गरी सीमा स्तम्भ स्थापित गर्न र तालमा समाहित हुने फिर्के, बुलौंदी खोलाको साँधसिमा मेटिने गरी व्यापकरुपमा भइरहेको अतिक्रमण रोक्न २०३२ सालमा भएको नापी बमोजिम उच्चस्तरीय छानविन समिति गठन गर्न पनि माग गरिएको छ ।
यसैगरी, पोखरा–१६ लाई ऐतिहासिक चौतारीको वडा घोषणा गर्न र आवश्यक रकम विनियोजन गर्न महानगरसँग आग्रह गरिएको वातावरण संरक्षणका लागि महाअभियान कास्की संयोजक रामबहादुर पौडेलले जानकारी दिए । पुरानो पोखरा विमानस्थललाई व्यापारिक प्रयोजनका लागि प्रयोग नगरी ‘बोटानिकल पार्क’ बनाउँदै ‘एरोनटिक्स’ प्रशिक्षण केन्द्रका रुपमा विकास गर्न माग गरिएको पनि संयोजक पौडेलले उल्लेख गरे ।
मिर्गौलापीडित, दीर्घरोगीका लागि सहजरुपमा पहुँच हुने गरी निशुल्क डायलसिस सेवाको व्यवस्थाका माग
फेवातालदेखि सुरु गर्ने गरी फिर्केखोला किनारमा पदमार्ग र ग्रिनबेल्ट तथा साइकल लेन विकास गर्न पनि नागरिक समाजले माग गरेको छ । सहरभित्रका जोखिमयुक्त रुखका हाँगाबिँगा छाँटकाटका लागि आधुनिक बकेटयुक्त क्रेन व्यवस्था गर्न र सेती नदीको रामघाटमा ब्यारोमिटरसहितको पक्की चेकड्याम निर्माण गर्ने माग पनि समेटिएको छ ।
फिर्केखोला, फेवाताल, सेती नदीलगायत पानीका श्रोतमा बिर्सजन हुँदै आएको मानव मलमूत्रलगायत अन्य प्रदूषणयुक्त फोहोरमैला बिसर्जनमा प्रतिबन्ध लगाउन पनि आग्रह गरिएको नागरिक समाज कास्कीका कावा संयोजक नरेन्द्रमान लालचनले जानकारी दिए ।
यसअघि पोखरा महानगरले घोषणा गरेको ‘नो हर्न जोन’ अवधारणालाई र प्लास्टिक निषेधित क्षेत्र जस्ता महत्वपूर्ण विषयलाई कार्यान्वयनमा ल्याउन पनि मागको बुँदामा समेटिएको उनले सुनाए ।
पृथ्वीचोक नजिकै निर्माण गर्ने भनिएको प्रस्तावित सिटी बसपार्कलाई अत्याधुनिक, व्यवस्थित र स्तरीय डिजाइनमा जतिसक्दो चाँडै निर्माण गर्ने गरी प्राथमकितामा राख्न पनि महानगरलाई बुझाइएको ज्ञापनपत्रमा माग गरिएको छ । सार्वजनिक यातायात प्रणालीमा आमूल परिवर्तन गर्न र यहाँको सडक सुरक्षा प्रणालीलाई चुस्तदुरुस्त र व्यवस्थि तगर्न ट्राफिक लाइट तथा सिसी टिभी क्यामेरा जडान गर्न पनि माग गरिएको छ । पोखराको सहरी ढल प्रणालीलाई स्तरोन्नति एवं प्रशोधन गरेरमात्र नदी, खोला र तालमा समाहित गर्न पनि नागरिक समाजले माग गरेको छ ।
ज्ञापनपत्र बुझेपछि मेयर आचार्यले नागरिक समाजका माग जायज रहेको र यसप्रति आफू सकारात्मक भएको प्रतिक्रिया दिएका थिए । माग सक्दो सम्बोधन गर्न आफूले पहल थाल्ने प्रतिबद्धता पनि उनले सुनाए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१