लमजुङ । लमजुङमा १४ औं युनाइटेड कप खुला महिला तथा फुटबल प्रतियोगिता सुरु भएको छ । युनाइटेड बिच युवा क्लबले तमु ल्होसार अवसरमा मस्र्याङ्दी गाउँपालिका–२, घनपोखराकास्थित केकेम खेलमैदानमा युनाइटेड कप तथा सांस्कृतिक कार्यक्रम सुरु गरेको हो ।
गाउँपालिका अध्यक्ष अर्जुन गुरुङले प्रतियोगिता उद्घाटन गर्दै विगतमा कोरोना भाइरस संक्रमणका कारण खेलकुद गतिविधि शून्य भएकाले अब गाउँपालिकाले यस्ता गतिविधिमा जोड दिने बताए । खेल क्षेत्र महत्वपूर्ण भएकाले गाउँपालिकाले प्राथमिकतामा राखेर योजना बनाउने बताउँदै गाउँपालिकाले पालिकाभित्रका युवालाई समेटेर आफ्नै फुटबल टिम बनाउने तयारी गरेको जानकारी दिए ।
घनपोखराकास्थित केकेम खेलमैदानमा युनाइटेड कप तथा सांस्कृतिक कार्यक्रम सुरु भएको हो
आयोजक क्लब अध्यक्ष भक्तबहादुर गुरुङको अध्यक्षतामा भएको कार्यक्रममा मस्र्याङदी गाउँपालिका–२ का वडाध्यक्ष चेतबहादुर गुरुङ, ३ का वडाध्यक्ष प्रेमबहादुर बस्नेत, जिल्ला खेलकुद विकास समिति अध्यक्ष योगबहादुर गुरुङ (कालु), माथिल्लो खुदी जलविद्युत आयोजनाका सहायक प्रोजेक्ट म्यानेजर रमेश सुवेदी, माथिल्लो खुदी जलविद्युत आयोजना सरोकार तथा समन्वय समिति अध्यक्ष प्रेमबहादुर गुरुङ, मस्र्याङ्दी गाउँपालिका युवा तथा खेलकुद विकास समिति अध्यक्ष रवि थापा लगायतले शुभकामना मन्तब्य राखेका थिए ।
उद्घाटन सत्रको मैत्रीपूर्ण फुटबलमा आयोजक खुदीस्थित सिर्जनशील युवा क्लबले १–० गोलअन्तरले हराएको छ । प्रतियोगितामा पुरुषतर्फ १९ टिमले भाग लिएका छन् ।
प्रथमलाई १ लाख ५० हजार, द्वितीयलाई १ लाख रुपैयाँ, मेडल र प्रमाणपत्र प्रदान गरिने छ । सर्वाधिक गोलकर्ता र उत्कृष्ट खेलाडीलाई ५/५ हजार, मेडल र प्रमाणपत्र प्रदान गरिने छ ।
त्यस्तै, महिलातर्फको खेलमा प्रथम पुरस्कार १५ हजार, द्वितीयलाई १० हजार रुपैयाँ, मेडल र प्रमाणपत्र प्रदान गरिने छ । महिला टिमका लागि बिहीबारम्म दर्ताको समय दिइएको छ ।
कार्यक्रमको संचालन सचिव पुष्पराज गुरुङ र स्वागत सदस्य मनप्रसाद गुरुङले गरेका थिए ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१