पोखरा । रेष्टुरेन्ट एन्ड बार एसोसिएसन नेपाल (रेवान), पोखराको आयोजनामा असोज ११ मा लेकसाइडमा मिनी सडक महोत्सव–२०७९ आयोजना गरिने भएको छ ।
हरेक वर्ष सेप्टेम्बर २७ मा पर्ने विश्व पर्यटन दिवस अवसरमा १ दिनका लागि यो महोत्सव आयोजना गर्न लागिएको रेवान पोखराका कावा अध्यक्ष विश्वराज पौडेलले आइतबार पत्रकार सम्मेलनमा जानकारी दिए । लेकसाइडको फिस्टेल गेटदेखि वाराहीचोकसम्म बेलुका ५ देखि राति १० बजेसम्म यो महोत्सव आयोजना हुनेछ । आपतकालीन सवारीसाधनबाहेक अन्य सवारीसाधन संचालन नहुने गरी महोत्सव संचालन गरिने छ ।
महोत्सवमा स्वदेशी र विदेशी खानाका परिकार, विभिन्न जातजातिका सांस्कृतिक नृत्य, गन्धर्व गायन, नेवारी लाखे नाच, पञ्चे बाजा र पर्यटनसम्बन्धी वृत्तचित्र प्रदर्शन गरिने महोत्सवका संयोजक एवं रेवान पोखराका महासचिव विकास भट्टराईले जानकारी दिए । रि–थिङ्किङ टुरिजम अर्थात् पर्यटनलाई पुनर्विचार गर्दै भन्ने शीर्षकमा यो वर्ष पर्यटन दिवस मनाइने छ । सन् १९८० देखि संयुक्त राष्ट्रसंघीय विश्व पर्यटन संगठनले यो दिवस मनाउने प्रचलनको आरम्भ गरेको हो ।
विश्व पर्यटन दिवसकै अवसर पारेर हवाइमार्ग र स्थल यातायातबाट उक्त दिन पहिलोपटक पोखरा उत्रने पर्यटकलाई सम्मान गर्ने कार्यक्रम रहेको पोखरा पर्यटन परिषद्का महासचिव सञ्जयकान्त सिग्देलले जानकारी दिए । उक्त दिन निर्माण सम्पन्न हुने चरणमा रहेको पोखरा विमानस्थलबारे छलफल कार्यक्रम समेत आयोजना गरिएको उनले सुनाए । पर्यटन क्षेत्रमा भएको लगानीको संरक्षण र नयाँ लगानीबारे कसरी अगाडि बढ्न सकिन्छ भन्ने विषयमा विचार गर्ने हिसाबले पनि अहिलेको पर्यटन दिवसको नारा जोडिएको सिग्देलले बताए ।
नेपाल पर्यटन बोर्डले प्रवद्र्धन गरेको महोत्सवलाई गोर्खा व्रुअरी प्रालिले प्रायोजन गरेको छ । कार्यक्रममा रेवान पोखराका निवर्तमान अध्यक्ष लक्ष्मण बरालले पनि भनाइ राखेका थिए ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१